पोखरा । गण्डकी प्रदेशमा कोरोना संक्रमित थप १ जनाको मृत्यु भएको छ । स्वास्थ्य निर्देशनालय गण्डकी प्रदेशका अनुसार मृत्यु हुनेको संख्या ६८ पुगेको छ । आजमात्र पाँच जनाको मृत्यु भएको हो । त्यसैगरी आजै मात्र थप २५२ जना नयाँ कोरोना संक्रमित थपिएका छन् ।

गण्डकी प्रदेशमा आजमात्र कोरोना संक्रमणका कारण ५ जनाको मृत्यु भएको छ । स्केच: साभार

कोरोना संक्रमणका कारण तनहुँ, शुक्लागण्डकी वडा नं. ४ का ५० वर्षीय पुरुषको मृत्यु भएको स्वास्थ्य निर्देशनालयले जानकारी दिएको छ । आज विहान ९ः१० बजेको समयमा पोखरा स्वास्थ्य विज्ञान प्रतिष्ठान, पोखराका उपचारका क्रममा ती पुरुषको निधन भएको हो । ती पुरुषलाई कोभिड–१९, वाईल्याटरल निमोनिया तथा कार्डिओ पल्मोनरी एरेष्ट लगायतका समस्या देखिएको पोखरा स्वास्थ्य विज्ञान प्रतिष्ठान पोखराबाट प्राप्त प्रतिवेदनमा उल्लेख छ ।