News Portal

ताजा शिर्षकहरु

चर्चित शिर्षकहरु

खेलकुद

ब्राइटन र क्रिस्टल प्यालेस बराबरीमा रोकिए

काठमाडौँ । इंग्लीस प्रिमियर लिग फुटबल अन्तर्गत ब्राइटन एन्ड होभ आल्बिओन र क्रिस्टल प्यालेसबीचको खेल बराबरीमा सकिएको छ । आठौं स्थानको ब्राइटनले ११औं स्थानको क्रिस्टल प्यालेसँग १–१ को बराबरी खेलेको हो ।

६९ औं मिनेटमा कोनोर गालाघेरले गोल गर्दै क्रिस्टललाई अग्रता दिलाए पनि ८७औं मिनेटमा जोअचिम एन्डरसेनले आत्मघाती गोल गरेपछि खेल बराबरीमा टुंगिएको हो।बराबरीसँगै बांइटनले २० खेलमा २८ अंक जोडेको छ भने क्रिस्टलले २१ खेलमा २४ अंक जोडेको छ ।

यस्तै जर्मन बुन्डेस लिगा अन्तर्गत बोरुसिया डर्टमन्डले फ्रेबर्गमाथि ५–१ गोलअन्तरले पराजित गरेको छ । शुक्रबार राती भएको खेलमा डर्टमन्डले फ्रेबर्गमाथि सानदार जित दर्ता गरेको हो ।

डर्टमन्डको लागि अर्लिङ हालान्डल र थोमस मेउनियरले दुई–दुई तथा महमोद दाहोदले एक गोल गरे । फ्रेबर्गका लागि एकमात्र गोल ६१ औं मिनेटमा डेमोरेभिकले गरे ।जितसँगै दोस्रो स्थानको डर्टमन्डले १९ खेलबाट ४० अंक जोड्दै दोस्रो स्थानमा यथावत रहेको छ । यता शीर्ष स्थानको बायर्न म्युनिखको १८ खेलमा ४३ अंक छ ।

प्रतिक्रिया