हेटौंडा, २९ जेठ । भारतीय ग्याँस बुलेटको ठक्करबाट हेटौंडामा मोटरसाईकलमा सवार बाबुछोरीको नै मृत्यु भएको छ । पूर्व–पश्चिम राजमार्गको हेटौंडा–९ पशुपतिनगरमा भएको सवारी साधन दुर्घटनामा परी आज बावु छोरीको मृत्यु भएको हो ।

भारतबाट ग्याँस बोकेर आएको एनएल०१एल २९७१ नम्बरको ग्याँस बुलेटले हेटौंडा बजारतर्फ आउँदै गरेको ना६१प ४५९७ नम्बरको मोटरसाइकलाई पछाडिबाट ठक्कर दिएको थियो । सो दुर्घटनामा परेर ५५ वर्षीय बावु ईश्वरकुमार तामाङ र उनकी २६ वर्षीय छोरी अमिना तामाङको मृत्यु भएको जिल्ला प्रहरी कार्यालय मकवानपुरले जानकारी दिएको छ ।

मृत बाबुछोरीको शव हेटौंडा अस्पतालमा राखिएको छ । उपचारका लागि उनीहरुलाई अस्पताल पु¥याईए पनि उनीहरुको बाटोमा नै मृत्यु भईसकेको चिकित्सकले बताएका छन् ।