News Portal

ताजा शिर्षकहरु

चर्चित शिर्षकहरु

अन्तर्राष्ट्रिय

पाकिस्तानको पहिलो मेट्रो ट्रेन सेवाद्वारा लाहोरमा व्यवसायिक सेवा सुरु

पाकिस्तान (लाहोर)। पाकिस्तानको पहिलो मेट्रो रेल सेवा, ओरेन्ज लाइनले आइतवार पञ्जाब प्रान्तको ऐतिहासिक शहर लाहोरबाट आईतबारदेखि व्यवसायिक सेवा सञ्चालन सुरु गरेको छ ।

चीन–पाकिस्तान आर्थिक मार्ग (सीपीईसी) अन्तर्गत प्रारम्भिक परियोजनाको रूपमा, ओरेन्ज लाइनलाई चिनियाँ राज्य रेल सेवा समूह र चाइना उत्तर उद्योग निगमद्वारा निर्माण गरिएको हो । मेट्रो रेल सेवा चीनको गोन्झाउ मेट्रो समूह, नोरिनको इन्टरनेसनल र डायवु पाकिस्तान एक्सप्रेस बस सेवाद्वारा सञ्चालनमा ल्याइएको हो ।

निर्माणको पाँच बर्षको अवधिमा, ओरेन्ज लाइनले सात हजारभन्दा बढी रोजगारी सिर्जना गरेको र सञ्चालन र मर्मतका लागि यसले स्थानीयहरूका लागि करिब दुई हजार रोजगारी सिर्जना गर्ने पाकिस्तान सरकारले बताएको छ ।

पञ्जाबका मुख्यमन्त्री सरदार उस्मान बुजदारले आइतबार आयोजित व्यवसायिक सेवा सञ्चालनको कार्यक्रममा भन्नुभयो, “पञ्जाबको प्रान्तीय सरकार चीनप्रति परियोजना सम्पन्न गर्न अभूतपूर्व सहयोग गरेकोमा कृतज्ञ छ ।” सीपीइसी अन्तर्गत मेट्रो ट्रेन प्रणाली सम्पन्न भएपछि दुई देशहरू अझ मजबुत हुने उहाँको धारणा रहेको छ ।

हरित कूल गार्हस्थ उत्पादन वृद्धि, शहरी विकास र पाकिस्तानी पूर्वी मेगासिटीको आधुनिकता बढाउने र आर्थिक गतिविधि बढाउन नेतृत्व पु¥याउने उहाँले बताउनुभयो । (रासस/सिन्ह्वा)

प्रतिक्रिया