पोखरा । सृजना आवासीय माध्यमिक विद्यालय पोखराले चेतनामूलक कार्यक्रम गरी आज २८ औँ विश्व पानी दिवस मनाएको छ ।
विद्यालयका कक्षा ७ मा अध्ययनरत विद्यार्थीहरुले दैनिक जीवनमा पानीको महत्व झल्काउने प्लेकार्ड, पोष्टर तथा तस्विरहरु प्रदर्शन गरेका थिए ।
विद्यार्थीहरुले पानीको महत्व, स्रोतहरुको संरक्षण तथा जलवायु परिवर्तनले यसमा पारेको नकारात्मक प्रभावका विषयमा प्रकाश पारेका थिए ।
यसका साथसाथै पानीको सदुपयोग गर्दै पानीका स्रोतहरुको संरक्षण गर्नुपर्ने विषयमा सचेतना फैलाउने खालका सन्देशहरु प्लेकार्ड, पोस्टर तथा तस्विरहरुबाट दिईएको कार्यक्रम संयोजक अभिषेक कुँवरले जानकारी दिए ।