News Portal

ताजा शिर्षकहरु

चर्चित शिर्षकहरु

प्रमुख समाचार

गण्डकी प्रदेशका मन्त्रीद्वय थापा र खड्काले अर्मलामाथि विभेद गरेको स्थानीयको आरोप

'बाटो सफा गर्ने र पहिरो गएको ठाउँमा रिट्रेनिङ्ग पर्खाल तथा ग्याविन जाली लगाउनेबारे मन्त्रीहरु मौन'

अब छिट्टै स्थानीय तह र त्यसपछि प्रदेश तथा संघीय निर्वाचन हुँदै गरेकाले जनताका कुरा नसुन्ने नेतालाई निवार्चनका बेला मतदानबाटै जवाफ दिने अर्मलावासीले उद्घोष गरेका छन् ।

पोखरा, ३१ असोज । पोखरा महानगरपालिका वडा नं. १६ स्थित घामीखोला, अर्मलाकोट आँटीघर सडकमा गत असारमा झरेका ठूल्ठूला पहिरो अहिलेसम्म उस्तै छन् । पोखरा महानगरपालिकाले सो सडक विस्तार गर्दा कटान गरेको ठाउँमा रिट्रेनिङ्ग पर्खाल नलगाउँदा ठाउँठाउँमा ठूल्ठूला पहिरा खसेका थिए । वर्खाको समयमा लामो समय सडक नै अवरुद्ध भयो । स्थानीयको चर्को विरोधपछि पहिरो खसेको ठाउँमा एकतर्फी बाटो खुलाएपछि सडक कामचलाउको अवस्थामा छ ।

तर, बाटो सफा गर्ने र पहिरो गएको ठाउँमा रिट्रेनिङ्ग पर्खाल तथा ग्याविन जाली लगाउनेबारे स्थानीय सरकार पोखरा महानगरपालिका र गण्डकी प्रदेश सरकारले कुनै चासो नदेखाएपछि स्थानीय रुष्ट भएका छन् । आफ्नै वडावासी कुमार खड्का गण्डकी प्रदेश सरकारमा भौतिक पूर्वाधार तथा यातायातमन्त्री बने पनि अहिलेसम्म बाटोको निरीक्षण गर्न नपुगेको स्थानीयले बताएका छन् ।

त्यतिमात्र होइन त्यही क्षेत्रका जनताको मतबाट सासंद हुँदै मन्त्रीसमेत बनेका विन्दुकुमार थापाले पनि सडकको अवस्थाबारे चासो नदिएको स्थानीयको आरोप छ । गण्डकी प्रदेश सरकारमा पृथ्वीसुब्वा गुरुङको सरकार ढालेर नेपाली काँग्रेसको नेतृत्वमा बनेको नयाँ सरकारलाई बजेट बनाउने चटारो थियो । यद्यपि मन्त्रिमण्डलले पूर्णता पाएको थिएन । त्यतिबेला शिक्षा, विज्ञान प्रविधि तथा सामाजिक विकास मन्त्रालयको जिम्मेवारी सम्हालेका मन्त्री कुमार खड्काले बजेट बनाउने जिम्मा पाए ।

आफ्नै वडावासी खड्का मन्त्री नियुक्त भई बजेटको बनाउने जिम्मेवारी समेत लिएपछि अर्मलाको बाटोलाई राम्रै बजेट पर्ने र महानगरपालिकाको योजनाबाट ध्वस्त सडक मर्मत हुने आशमा रहेका अर्मलाबासी बजेट सार्वजनिक भएपछि निराश मात्र भएनन्, मन्त्री खड्काप्रति नै आक्रोशित भए । मन्त्री खड्काले बजेटको बाँडफाँड गरिरहँदा नेपाली काँग्रेसका स्थानीय नेताले वडा कार्यसमितिमार्फत् पहिरो नियन्त्रणका लागि आवश्यक बजेट विनियोजन गर्न सिफारिस गरेका थिए ।

त्यसपछि पटकपटक सोही क्षेत्रबाट विजयी प्रदेशसभा सांसद विन्दुकुमार थापा समेतलाई दबाव दिंदै आएको भए पनि उक्त योजनाका लागि बजेट विनियोजन नै भएन । पोखरा-१६ मा १६ करोडभन्दा बढी बजेट विनियोजन हुँदा पनि सोही वडामा पर्ने अर्मलाको सडकको पहिरो नियन्त्रणका लागि एक रुपियाँ पनि विनियोजन हुन सकेन ।

सञ्चार, कानून तथा प्रदेशसभा मामिला मन्त्री थापाका स्वकीय सचिव सूर्य पौडेलसमेतलाई बारम्बार ताकेता गरी ध्यानाकर्षण गराउँदा उनले त्यति काम त १६ नं. वडावासी मन्त्री कुमार खड्काले गर्नु होला नि भन्ने जवाफ दिने गरेको एक नेताले बताए ।

बजेट बन्दै गर्दाका वखत पनि स्थानीय नेताले तत्कालीन सासंद हालका सञ्चार, कानून तथा प्रदेशसभा मामिला मन्त्री थापाका स्वकीय सचिव सूर्य पौडेलसमेतलाई बारम्बार ताकेता गरी ध्यानाकर्षण गराउँदा उनले त्यति काम त १६ नं. वडावासी मन्त्री कुमार खड्काले गर्नु होला नि भन्ने जवाफ दिने गरेको एक नेताले बताए । तर मन्त्री खड्काले पनि त्यतातर्फ ध्यान दिएनन् ।

अन्ततः गण्डकी प्रदेश सरकारको मात्र नभई मन्त्रीद्वय थापा र खड्काबाट अर्मला उपेक्षित बन्न पुग्यो । मन्त्री थापाले आफ्नै चुनाव क्षेत्र र मन्त्री खड्काले आफ्नै वडाको उपेक्षा गर्दा त्यस क्षेत्रको विकास हुन नसकेको भन्दै स्थानीय आक्रोशित छन् । उनीहरूले मन्त्रीद्वय थापा र खड्काले अर्मलामाथि विभेद गरेको आरोप समेत लगाएका छन् । आफ्नै वडाका जनताको गुनासो सुन्न मन्त्री खड्का अहिलेसम्म अर्मलामा गएका छैनन् ।

मन्त्री खड्काको घरबाट करिब ३ किलोमिटरको अर्मलाको सडक सुरु हुन्छ । उता त्यही क्षेत्रका जनताको मतबाट जितेका विन्दुकुमार थापा मन्त्री भएपछि आशिवन २३ गते शनिवार आफ्नो निर्वाचन क्षेत्र नं. २ (ख) को अर्मला डिहीमा पहिलोपटक पुगे । त्यहाँ मन्त्री थापा पार्टीको कुनै औपचारिक कार्यक्रम थिएन । नेपाली काँग्रेस पोखरा–१६ का कार्य समितिका सदस्य अपील भट्टराईका हजुरबुवा वोधराज भट्टराईको निधनमा समवेदना प्रकट गर्ने सन्दर्भ पारेर मन्त्री थापा आफ्नै लागि क्षेत्रीय प्रतिनिधिसँग भोट माग्न त्यहाँ पुगेका थिए ।

मन्त्री थापा पार्टीको आसन्न १४ औं महाधिवेशनमा महाधिवेशन प्रतिनिधिको आकाँक्षी छन् । यद्यपि मन्त्री थापाले शोक सन्तप्त भट्टराई परिवारमा समवेदना प्रकट गरी तुरुन्तै फर्किए । तर उनले त्यहाँका काँग्रेस नेता तथा कार्यकर्ता एवं क्षेत्रीय प्रतिनिधि कसैलाई भेटेनन् । ‘सडकको दुरावस्था देखेका मन्त्री थापा लाजले कसैलाई नभेटी फर्कनु भएछ,’ एक क्षेत्रीय प्रतिनिधिले भने । मन्त्री थापा आउँदै छन् भन्ने जानकारी पाएर उनलाई भेट्न जोगीमणि र छहरेपानीबाट अर्मला डिहीमा पुगेका क्षेत्रीय प्रतिनिधिहरु ऋषिराम आचार्य, श्रीकृष्ण आचार्य समेतले मन्त्री थापालाई भेट्न पाएनन् । उनीहरु अर्मला डिहीमा पुग्दा मन्त्री थापा त्यहाँबाट फिर्ता भइसकेका थिए ।

पोखरा-१६ मा १६ करोडभन्दा बढी बजेट विनियोजन हुँदा पनि सोही वडामा पर्ने अर्मलाको सडकको पहिरो नियन्त्रणका लागि एक रुपियाँ पनि विनियोजन हुन सकेन । स्थानीयले पटकपटक वडाध्यक्ष जीवनप्रसाद आचार्यसँग पहिरो नियन्त्रण गर्न र सडक विस्तार गर्दाको कटान रोक्ने रिटेनिङ्ग पर्खाल लगाउन बारम्बार आग्रह गर्दै आए पनि कुनै सुनुवाई नभएको स्थानीय पीडित लक्ष्मीदेवी भट्टराईले बताइन् ।

गण्डकी प्रदेश सरकारमा हाल भौतिक पूर्वाधार तथा यातायात मन्त्रालयको जिम्मेवारी सम्हालेका मन्त्री खड्का समेत आफ्नै वडाको सडकको त्यतिविधि हरिबिजोक हुँदा समेत बेखर भएर बसेका छन् । यद्यपि गत शनिबार त्यही सडक भएर अर्मला पुगेका मन्त्री थापाले सडकको दुरावस्था प्रत्यक्ष देखेका छन् । यसबारे मन्त्री थापासँग प्रतिक्रिया बुझ्ने प्रयास गर्दा उनको सचिवालयसँग सम्पर्क हुन सकेन । गत जेष्ठ महिनादेखि अवरुद्ध सडक अहिलेसम्म उस्तै हालतमा छ । पहिरो झरेका ठाउँमा एकतर्फी आवागमन खुलाउने काम बाहेक पहिरो नियन्त्रण गर्न र आवश्यक रिट्रेनिङ्ग पर्खाल निर्माण गर्न स्थानीय सरकार पोखरा महानगरपालिका र प्रदेश सरकारले कुनै चासो देखाएका छैनन् ।

अब छिट्टै स्थानीय तह र त्यसपछि प्रदेश तथा संघीय निर्वाचन हुँदै गरेकाले जनताका कुरा नसुन्ने नेतालाई निवार्चनका बेला मतदानबाटै जवाफ दिने अर्मलावासीले उद्घोष गरेका छन् । गत आर्थिक वर्षमा पोखरा महानगरपालिकाले १६ नं. वडामा पर्ने घार्मीखोला अर्मलाकोट आँटीघर सडक मार्गको सडक विस्तार तथा नाला निर्माण योजनाबाट विकासभन्दा विनाश भएको स्थलगत अध्ययनबाट स्पष्ट देख्न सकिन्छ । यद्यपि गुनासो सुन्ने निकाय पोखरा महानगरपालिका मौन छ । सो सडक विस्तार गर्दा दर्जनौ घरहरु जोखिममा रहेका छन् भने ठाउँमा ठाउँमा ठूला ठूला पहिरो खसेका कारण सडक नै जोखिमा परेको छ । खेतीयोग्य जमिनको समेत क्षयीकरण भएको छ ।

मन्त्री थापा पार्टीको आसन्न १४ औं महाधिवेशनमा महाधिवेशन प्रतिनिधिको आकाँक्षी छन् । यद्यपि मन्त्री थापाले शोक सन्तप्त भट्टराई परिवारमा समवेदना प्रकट गरी तुरुन्तै फर्किए । तर उनले त्यहाँका काँग्रेस नेता तथा कार्यकर्ता एवं क्षेत्रीय प्रतिनिधि कसैलाई भेटेनन् ।

स्थानीयले पटकपटक वडाध्यक्ष जीवनप्रसाद आचार्यसँग पहिरो नियन्त्रण गर्न र सडक विस्तार गर्दाको कटान रोक्ने रिटेनिङ्ग पर्खाल लगाउन बारम्बार आग्रह गर्दै आए पनि कुनै सुनुवाई नभएको स्थानीय पीडित लक्ष्मीदेवी भट्टराईले बताइन् । ‘पानी पर्दा घर नै खस्छ कि भन्ने डरले विगत ३/४ महिनादेखि हाम्रो परिवारले त्रासदीपूर्ण जीवन बाँचेको छं,’ उनले भनिन्–‘तर हाम्रो पीडा कसैले सुनेनन् ।’ लक्ष्मी जस्ता धेरै पीडितहरुका समस्या उस्तै छन् । कतिका कोदो र मकै उब्जाउ जमिनको समेत ठूलो क्षति भएको छ ।

यसरी विकासका नाउँ विनास भएकोप्रति स्थानीय जनता आक्रोशित भएका छन् । सडक विस्तार गर्दा रिटेनिङ्ग पर्खाल लगाउन आवश्यक देखिएको ठाउँमा नलगाइएको र अनावश्यक ठाउँमा पनि आफ्ना कार्यकताको जग्गामा मात्र त्यस्तो पर्खाल लगाइएको पीडितहरुको गुनासो छ । कति ठाउँमा अझै पनि बाटोको मापदण्ड पुगेको छैन । लगत स्टिमेट बोजिम निर्माण कार्य भएको छैन । यद्यपि अनुगमनकर्ताले त्यसतर्फ ध्यान नदिएको स्थानीयले बताएका छन् ।

हेर्नुस् ध्वस्त सडकका केही प्रतिनिधिमूलक तस्वीरहरुः

अन्ततः गण्डकी प्रदेश सरकारको मात्र नभई मन्त्रीद्वय थापा र खड्काबाट अर्मला उपेक्षित बन्न पुग्यो । मन्त्री थापाले आफ्नै चुनाव क्षेत्र र मन्त्री खड्काले आफ्नै वडाको उपेक्षा गर्दा त्यस क्षेत्रको विकास हुन नसकेको भन्दै स्थानीय आक्रोशित छन् । उनीहरूले मन्त्रीद्वय थापा र खड्काले अर्मलामाथि विभेद गरेको आरोप समेत लगाएका छन् । आफ्नै वडाका जनताको गुनासो सुन्न मन्त्री खड्का अहिलेसम्म अर्मलामा गएका छैनन् ।

प्रतिक्रिया