News Portal

ताजा शिर्षकहरु

चर्चित शिर्षकहरु

राजनीति समाचार

कोरोना संक्रमितको निशुल्क उपचार र परीक्षणको माग गर्दै आन्दोलनको घोषणा

पोखरा । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा)ले कोरोनाको प्रभावले आक्रान्त जनताको स्वास्थ्य जाँच र उपचारको निशुल्क व्यवस्थाको माग गर्दै देशव्यापी रुपमा आन्दोलनको घोषणा गरेको छ । नेकपाका महासचिव नेत्रविक्रम चन्द ‘विप्लव’ले विज्ञप्ति जारी गर्दै वर्तमान राज्यव्यवस्था र सरकार राष्ट्र र जनताप्रति झन् उत्तरदायित्वविहिन र गैरजिम्मेवार बनेको आरोप लगाएका छन् ।

कोरोनाको प्रभावले आक्रान्त जनतलाई राहत पु¥याउन लाग्नुको सट्टा स्वास्थ्य परीक्षणजस्तो संवेदनशील र राज्यको न्यूनतम् दायित्वबाट समेत पन्छिने कार्य अन्यन्तै निकृष्ट र अमानवीय विषय भएको विज्ञप्तिमा उल्लेख छ । सम्पूर्ण जनतालाई कोरोनाको निशुल्क परीक्षण र उपचारको व्यवस्था गर्न विशेष माग गरेको छ ।

कोरोनाको महामारीमा निरन्तर खटिरहेका सुरक्षाकर्मी तथा स्वास्थ्यकर्मीलाई राज्यबाट प्रोत्साहन र सहयोग गर्नुपर्नेमा उल्टै प्रताडित हुनुपरेको घटनाप्रति पार्टीको गम्भिर ध्यानाकर्षण भएको विज्ञप्तिमा उल्लेख छ । ज्यान जोखिममा राखेर अग्रमोर्चामा खटिईरहेका सम्पूर्ण सुरक्षाकर्मी, स्वास्थ्यकर्मी र सरसफाईकर्मी लगायतलाई विशेष आर्थिक सुविधा, स्वास्थ्य र सामाजिक सुरक्षाको उचित व्यवस्था गर्न माग गरेको छ ।

कोरोना महामारीको संकटमा पैसा कमाउने, भ्रष्टाचार गर्ने र धन कुम्ल्याउने माध्यमका रुपमा दुरुपयोग भईरहेको भन्दै यस्तो बेलामा जनताको स्वास्थ्यमा खेलवाड गर्ने तथा शक्तिको आडमा सम्पत्ति कुम्ल्याउने माध्यम नबनाउन चेतावनी दिईएको छ । विज्ञप्तिमा कार्तिक १५ गते कोणसभा, १७ गते पर्चा वितरण र २० गते विरोधजुलुस लगायतका आन्दोलनका कार्यक्रमहरुको घोषणा गरिएको छ ।

प्रतिक्रिया