पोखरा । गण्डकी प्रदेशमा कोरोना संक्रमणका कारण आज थप ७ जनाको मृत्यु भएको छ । यस प्रदेशमा कोरोना संक्रमणका कारण एकसय ३८ जनाको मृत्यु भईसकेको छ ।

यसरी मृत्यु हुनेहरुमा पोखरा महानगरपालिका वडा नं. २७ का ७१ वर्षीय कोरोना संक्रमित पुरुषको हिजो राती १ः४० बजे उपचारको क्रममा गण्डकी मेडिकल कलेज पोखरामा निधन भएको स्वास्थ्य निर्देशनालय गण्डकी प्रदेशले जारी गरेको विज्ञप्तिमा उल्लेख छ । ती पुरुषलाई कार्तिक २९ गते कोरोना संक्रमण पुष्टि भएको थियो ।

त्यसैगरी, पोखरा वडा नं. ८ का ५४ वर्षीय कोरोना संक्रमित पुरुषको आज विहान ३ः५० बजे उपचारका क्रममा गण्डकी मेडिकल कलेज पोखरामा निधन भएको हो ।

तनहुँ जिल्ला म्याग्दै गाउँपालिका वडा नं. ४ का ५९ वर्षीय कोरोना संक्रमित पुरुषको आज विहान ९ः३० बजे उपचारको क्रममा गण्डकी मेडिकल कलेज पोखरामा निधन भएको छ । ती पुरुषलाई मंसीर ३ गते कोरोना संक्रमणको पुष्टि भएको थियो ।

पोखरा महानगरपालिका वडा नं. ९ का ६८ वर्षीय कोरोना संक्रमित पुरुषको हिजो राती ११ बजे उपचारको क्रममा पोखरा स्वास्थ्य विज्ञान प्रतिष्ठान पोखरामा निधन भएको छ । ती पुरुषलाई मंसिर ४ गते कोरोना संक्रमण पुष्टि भएको थियो ।

त्यसैगरी, पोखरा वडा नं. २१ क ७५ वर्षीय कोरोना संक्रमित पुरुषको हिजो राती ११ः२० बजे उपचारको क्रममा पोखरा स्वास्थ्य विज्ञान प्रतिष्ठान पोखरामा निधन भएको छ । ती पुरुषलाई मंसिर ४ गते कोरोना संक्रमण पुष्टि भएको थियो ।

पोखरा–१७ का २९ वर्षीय कोरोना संक्रमित पुरुषको आज अपरान्ह १२ः३० बजे उपचारको क्रममा पोखरा स्वास्थ्य विज्ञान प्रतिष्ठान पोखरामा निधन भएको छ । ती पुरुषलाई आज नै कोरोना संक्रमण पुष्टि भएको थियो ।

त्यसैगरी, पोखरा वडा नं. १३ का ५५ वर्षीय कोरोना संक्रमित पुरुषको आज विहान ४ः१५ बजे उपचारको क्रममा पोखरा स्वास्थ्य विज्ञान प्रतिष्ठान पोखरामा निधन भएको छ । ती पुरुषलाई आज नै कोरोना संक्रमण पुष्टि भएको हो ।