News Portal

ताजा शिर्षकहरु

चर्चित शिर्षकहरु

राजनीति समाचार

विप्लव नेतृत्व नेकपा तनहुँद्वारा खाद्यान्न तथा स्वास्थ्य सामाग्री वितरण

तनहुँ । प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी तनहुँले घिरिङ गाउँपालिका वडा नं. ५ मा आज १३ घरपरिवारलाई खाद्यान्न तथा स्वास्थ्य सामाग्री वितरण गरेको छ ।

घिरिङ गाउँपालिकाका सेक्रेटरी हिमाल खड्काको अध्यक्षतामा भएको सो राहत वितरण कार्यक्रममा प्रमुख अतिथि तनहुँका जिल्ला सेक्रेटरी आनन्दले राहत वितरण गरेका थिए । राहत स्वरुप प्रति घरपरिवारलाई १ बोरा चामल, दाल, नुन, तेल गरी २५ सय रुपैयाँ बराबरको खाद्यान्न बितरण गरिएको थियो ।

कार्यक्रममा बोल्दै तनहुँ जिल्ला सेक्रेटरी आनन्दले कोभिड–१९ को महामारी झन् विकराल रुपमा फैलिदैं गएको अवस्थामा स्थानीय सरकारले संक्रमितहरुको निशुल्क पिसिआर परीक्षण गर्न, आईसोलेसनको उचित व्यवस्था गर्न र स्वास्थ्य सामाग्री वितरण गर्न माग गरेका छन् ।

सेक्रेटरी आनन्दले सबैले आफ्नो स्वास्थ्यलाई ख्याल गर्दै दैनिकीलाई सुरक्षित बनाएर अघि बढ्न आग्रह गरेका छन् । सामान्य स्वास्थ्यका नियमहरु पालना गर्न सकियो भने पनि कोरोना संक्रमण समुदायमा फैलिनबाट बचाउन सकिने हुँदा आमजनसमुदायहरु नै सचेत र सर्तक हुनुपर्ने सेक्रेटरी आनन्दको भनाई थियो ।

त्यसो त, सर्वोच्च अदालतको वाध्यकारी आदेश पछि मात्र कोरोना संक्रमणको निशुल्क उपचार र परीक्षण गर्न बाध्य बनेको सरकारलाई विप्लव नेतृत्वको नेकपाले देशव्यापी आन्दोलनको घोषणा गर्दै दवाव दिदैं आईरहेको थियो । प्रतिबन्धित नेकपाका महासचिव विप्लवले नै विज्ञप्ति जारी गर्दै आमजनतालाई कोरोना संक्रमणको उपचार र परीक्षण निशुल्क गर्न र उपचारका नाममा भ्रष्टाचार र लुट नगर्न भन्दै देशव्यापी आन्दोलनका कार्यक्रमहरु सञ्चालन गरेका थिए ।

प्रतिक्रिया