News Portal

ताजा शिर्षकहरु

भिडियो मनोरञ्जन समाचार

म्युजिक भिडियो ‘नुबई दरबार’ सार्वजनिक (भिडियो सहित)

पोखरा, २२ मंसिर । गायक नविन गुरुङको म्युजिक भिडियो ‘नुबई दरबार’ सार्वजनिक भएको छ । गुरुङ भाषामा रचना गरिएको ‘नुबई दरबार’ मंगलवार साँझ ‘गुरुङ स्टुडियो’ नामक युट्युब च्यानलबाट सार्वजनिक गरिएको हो । नविन गुरुङ कै शब्द रचना रहेको गीतमा गायिका उषा गुरुङले साथ दिएकी छिन् भने धन बहादुर गुरुङले संगीतबद्ध गरेका छन् ।

म्युजिक भिडियो गुरुङ समुदायमा प्रचलित रोधीं संस्कृतिलाई दृष्टिगत गर्दै निर्माण भएको नविनले बताए । ‘लोप हुदैँ गएको गुरुङ भाषा, संस्कार र संस्कृति बचाउने अनि रोधींमा नाचिने थियटर गीतलाई पुर्नजीवित तुल्याउने हेतुले भिडियो निर्माण गरेका हौँ’ उनले भने, ‘यस अभियानमा हामीलाई देश विदेशमा रहेका गुरुङ समुदायका विभिन्न व्यक्तिहरुले साथ दिनु भएको छ । उहाँहरुप्रति आभारी छु ।’

भिडियोमा गुरुङ सिनेमाका नायक ओम प्रकाश गुरुङ, दल बहादुर गुरुङ, विपना गुरुङ र मोनिका गुरुङको अभिनय रहेको छ भने विपना गुरुङले नृत्य निर्देशन गरेकी छिन् ।

तमु धिं नेपालको प्राङ्गणमा छायाँकन गरिएको म्युजिक भिडियो सन्दिप तिवारीले निर्देशन गरेका छन् । त्यस्तै छायांकन र सम्पादन पनि तिवारी कै रहेको छ भने अर्जुन बास्तोलाले क्यामरामा सघाएका छन् ।