पोखरा, ३ असोज । डुलुवाको दोस्रो अधिवेशन तथा तेस्रो वार्षिक साधारणसभाबाट योगेश भट्टराई अध्यक्षमा निर्वाचित भएका छन्। गोरखा जिल्लाको अजिरकोट गाउँपालिकास्थित नम्की होमस्टेमा सम्पन्न उक्त अधिवेशनले योगेश भट्टराईको अध्यक्षतामा नयाँ कार्यसमिति सर्वसम्मत रूपमा चयन गरेको हो।

समितिमा उपाध्यक्षमा सुनिल बहादुर भट्टराई, सचिवमा ठाकुर प्रसाद बराल र कोषाध्यक्षमा विकास भट्टराई चयन भएका छन्। सदस्यहरूमा अनिल केसी, विशेष थापा, सरोज भट्टराई, बसन्त महत, घनश्याम गौतम, भरत प्रसाद तिमिल्सिना र अभित थापा रहेका छन्।

अधिवेशनको उद्घाटन गर्दै दीपेन्द्र पहारीले डुलुवाले नेपालका विभिन्न नयाँ तथा ओझेलमा परेका गन्तव्यको खोजी, पहिचान र प्रवद्र्धन गर्दै आएको बताए। उनले नयाँ गन्तव्यलाई समुदायसँग जोड्दै प्रवद्र्धन गर्ने यस अभियानले नेपालको पर्यटन विकासमा सकारात्मक योगदान पु¥याएको उल्लेख गरे।

कार्यक्रममा उपाध्यक्ष सुनिल बहादुर भट्टराईले स्वागत मन्तव्य व्यक्त गरेका थिए भने सचिव ठाकुर प्रसाद बरालले संस्थाको प्रगति प्रतिवेदन प्रस्तुत गरेका थिए। कोषाध्यक्ष विकास भट्टराईले आर्थिक प्रतिवेदन पेश गरेका थिए, जसलाई साधारणसभाले पारित गरेको छ। संस्थाका अग्रज सदस्य भरत प्रसाद तिमिल्सिनाले संस्थासँगको अनुभव तथा यात्राबारे मन्तव्य राखेका थिए।

अध्यक्ष योगेश भट्टराईले संस्थाका गतिविधिमा साथ र सहयोग गर्ने सबैलाई धन्यवाद दिँदै आगामी दिनमा पनि नयाँ गन्तव्यको खोजी तथा प्रवद्र्धनमा निरन्तरता दिने प्रतिबद्धता व्यक्त गरेका छन्।