News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

गण्डकी प्रदेशको मुख्यमन्त्रीमा कृष्णचन्द्र नेपाली पक्का

'अन्य मन्त्रालयका विषयमा भने अहिलेसम्म केही खुलाईएको छैन'

पोखरा । गण्डकी प्रदेशको मुख्यमन्त्री नेपाली काँग्रेसका गण्डकी प्रदेश संसदीय दलका नेता कृष्णचन्द्र नेपाली पोखरेल बन्ने पक्का भएको छ । नेता नेपालीलाई कांग्रेस सहित माओवादी केन्द्रको समेत समर्थन छ । कांग्रेस नेता नेपाली नवलपरासी ‘क’बाट प्रत्यक्ष निर्वाचित प्रदेशसभा सदस्य हुन् ।

आज बस्ने कांग्रेस संसदीय दलको बैठकले नेपालीलाई सर्वसम्मत रुपमा मुख्यमन्त्रीमा उठाउने निर्णय गर्ने तयारी गरेको छ । त्यसो त, मुख्यमन्त्रीका लागि माओवादी केन्द्रका केही नेताहरुले ईच्छा जाहेर गरेपनि सहमतिमा नै कांग्रेसको नेतृत्वमा सरकार बन्न लागेको हो ।

मुख्यमन्त्रीमा सर्वसम्मत भएपनि अन्य मन्त्रालयका विषयमा भने अहिलेसम्म केही खुलाईएको छैन । जनमोर्चाले मन्त्रीपरिषदमा सहभागी निर्णय सार्वजनिक गरिसकेको हुँदा मन्त्रालयको भागबण्डामा कांग्रेस सहित माओवादी र जनता समाजवादी पार्टी रहेका छन् ।

प्रतिक्रिया