पोखरा । पोखरामा विद्युत वितरण प्रणालीलाई प्रविधिमैत्री एवम् अत्याधुनिक बनाउन टेण्डर आह्वानको तयारी भईरहेको छ । उपत्यकाबाहिर पनि विद्युतको तार भूमिगत गर्ने योजनाअनुसार पोखरामा तार विच्छ्याउने कार्य अगाडि बढाईएको हो ।

नेपाल विद्युत् प्राधिकरणका प्रवक्ता मदन तिम्सिनाका अनुसार उपत्यकाबाहिर पनि विद्युत्को तार भूमिगत गर्ने योजनाअनुसार पोखरामा तार बिच्छ्याउने कार्यअगाडि बढाइएको हो । उनका अनुसार पोखरामा तार बिच्छ्याउन टेन्डर आह्वानको तयारी भइरहेको हो ।

पोखरासहित विराटनगर, वीरगन्ज, चितवनलगायत स्थानमा पनि भूमिगत प्रणालीबाट विद्युत् वितरण गरिने योजना रहेको प्राधिकरणले जनाएको छ । प्राधिकरणका प्रवक्ता मदन तिम्सिनाका अनुसार तार भूमिगत गर्ने कार्य तीव्र गतिमा अगाडि बढिरहेको छ ।

‘तार भूमिगत गर्ने कार्य तीव्र गतिमा अगाडि बढिरहेको छ’, नेपाल विद्युत प्राधिकरणका प्रवक्ता तिम्सिनाले भने–‘कोरोनाका कारण केही समय भूमिगत गर्ने कार्यमा अवरोध प¥यो । अहिले काम भइरहेको छ ।’

विद्युत्को तार भूमिगत गर्दा कुनै जोखिम नरहने र डराउन नपर्ने प्राधिकरणले जानकारी दिएको छ । प्राधिकरणले एसियाली विकास बैंकको आर्थिक सहयोगमा दुई वर्षमा सम्पूर्ण काम सक्नेगरी पहिलो चरणमा रत्नपार्क वितरण केन्द्र र महाराजगन्ज वितरण केन्द्र जोड्ने गरी भूमिगत विद्युत् प्रसारण प्रणाली निर्माण गरिरहेको हो ।

नेपाल विद्युत् प्राधिकरणले गत फागुनदेखि काठमाडौंको महाराजगन्ज–बूढानीलकण्ठ क्षेत्र, लैनचौर–लाजिम्पाट क्षेत्र, चाबहिल–बौद्ध क्षेत्रमा तार भूमिगत गर्ने काम गरिरहेको छ । महाराजगन्ज वितरण केन्द्रअन्तर्गत पर्ने महाराजगन्ज–बूढानीलकण्ठको काम करिब एक महिनामा सम्पन्न हुने चरणका रहेको काठमाडौं उपत्यका मध्य तथा उत्तर वितरण प्रणाली सुदृढीकरण आयोजना प्रमुख अभिषेक अधिकारीले जानकारी दिए ।