News Portal

ताजा शिर्षकहरु

चर्चित शिर्षकहरु

अर्थ-बिजनेश समाचार

पोखरा उद्योग वाणिज्य संघको अध्यक्षमा कोइराला विजयी

पोखरा । पोखरा उद्योग वाणिज्य संघको ३३ औं महाधिवेशनमा नारायण कोइराला प्यानलले वर्चश्व कायम गर्न सफल भएको छ । अध्यक्षमा विजय भएका कोइरालाले १ हजार ३ सय ७५ मत प्राप्त गर्नुभएको थियो । अध्यक्षका अर्का प्रत्यासी विन्दु कोइराला सुवेदीले नौंसय ६५ मत प्राप्त गर्नुभएको थियो ।

संघको वरिष्ठ उपाध्यक्षमा पवनकुमार प्रजापति निर्विरोध हुँदा उपाध्यक्ष (वाणिज्य)तर्फ अर्जुन पोखरेलले १२ सय ४४ मत ल्याएर विजयी बन्नुभयो । उनले अर्का प्रत्यासी सोवित पौडेलले १ हजार ९६ मत प्राप्त गर्नुभएको थियो ।  उपाध्यक्ष (उद्योग)तर्फ स्वतन्त्र उमेद्वार गोकर्ण कार्कीले १३ सय २७ मत ल्याएर विजयी हुनुभएको छ । उहाँले नारायण कोइराला प्यानलका चिनुकुमारी गुरुङलाई पराजित गर्नुभएको हो । गुरुङले १ हजार १४ मत प्राप्त गर्नुभएको थियो ।

त्यसैगरी, महासचिवमा सुरेन्द्रमान विजुक्छेले १५ सय १४ मत ल्याएर विजयी हुनुभएको छ । महासचिवका अर्का प्रत्यासी धनीराम बरालले ८ सय २८ मत प्राप्त गर्नुभएको थियो । त्यसैगरी उपमहासचिवमा केशवबहादुर खत्रीले १३ सय २३ मत ल्याएर विजयी हुनु भएको छ । उपमहासचिवमा पराजित धर्मराज बर्तौलाले १ हजार १३ मत प्राप्त गर्नुभएको थियो ।

त्यसैगरी कोषाध्यक्षमा बलराम आचार्यले १२ सय ६५ मत ल्याएर विजयी हुनु भएको छ । कोषाध्यक्षका अर्का दावेदार तारनाथ ढुंगानाले १ हजार ७० मत प्राप्त गर्नुभएको थियो ।

१० जना साधारण सदस्यको लागि १६ जना उमेद्वारहरु चुनावी मैदानमा उत्रिनु भएको थियो । जसमा शोभा गौतम (१७००), देवेन्द्र केसी (१५८५), कुमारी मुना बास्तोला (१६२६), उत्तममान बुद्धाचार्य (१५९७), सुदिप प्रधानांग (१४१४), हरिराज पन्त (१३८८), भरत केसी (१३२३), दिनेशचन्द्र वास्तोला (१२८२), सुदनबहादुर कोइराला (१२७९), पवित्रादेवी गुरुङ (१२४१) निर्वाचित हुनु भएको छ । उत्तममान बुद्धाचार्य र सुदिप प्रधानाङ्ग दुवैजनाले स्वतन्त्र रुपमा उमेद्वारी घोषणा गर्नुभएको थियो । त्यसैगरी सदस्यमा निर्वाचित हुने पवित्रादेवी गुरुङ विन्दु कोइारला प्यानलको हुनुहुन्छ ।

वस्तुगत सदस्यमा हरिहर सापकोटा र हर्कबहादुर अधिकारी (मिराज) र औद्योगित सदस्यतर्फ हीरामणि पण्डित निर्विरोध निर्वाचित हुनु भएको छ । त्यसैगरी वस्तुगत सदस्यतर्फ बालाकृष्ण कोइराला, राजन गोंगजु, बलराम तिमिल्सिना र रुपनारायण भुजेल निर्वाचित हुनुभएको छ । उदयबहादुर केसीसहित बलराम तिमिल्सिना र रुपनारायण भुजेलको समान १५ मत परेपछि गोलाप्रथाद्वारा तिमिल्सिना र भुजेल छानिनु भएको थियो । शनिवार भएको मतदानमा कुल ३ हजार ५४ मतदातामध्ये २ हजार ३ सय ६५ मत खसेको थियो ।

प्रतिक्रिया