पोखरा, २४ चैत । पोखरा महानगरपालिका वडा नं. २२ पुम्दी–भुम्दिमा विभिन्न सामाजिक कार्यमा सक्रिय परिवर्तन युवा क्लबको भित्तेपात्रो विमोचन, ठुलिबिडी खेल मैदान उदघाटन एवम् नयाँ वर्ष–२०८१ को शुभकामना आदानप्रदान कार्यक्रम शनिबार सम्पन्न भएको छ ।

उक्त कार्यक्रमको अवसरमा ठेलो हान्ने तथा घैटो फुटाउने प्रतियोगिता सम्पन्न भएको छ । ठेलो हान्ने तर्फ खुसिराम बराल प्रथम र राजन बराल द्वितीय भएका थिए । त्यसैगरी, घैटो फुटाउने खेलतर्फ सरोज बराल विजेता भएका छन् ।

कार्यक्रममा प्रमुख अतिथि गण्डकी प्रदेशका पूर्वअर्थमन्त्री एवम् नेकपा माओबादी केन्द्र कास्की जिल्लाका इन्चार्ज रामजी बराल ‘जिवन’ले परिवर्तन युवा क्लबले समाजमा पु¥याएको योगदान र युवाहरुको भूमिकाको महत्वका बारेमा चर्चा गरेका थिए ।

क्लबका अध्यक्ष नरेन्द्र बरालको अध्यक्षतामा सम्पन्न भएको कार्यक्रममा पोखरा–२२ का वडा अध्यक्ष हिमलाल बराल, जनप्रतिनिधि, विभिन्न राजनीतिक दलका प्रतिनिधिहरु, युवा क्लब र विभिन्न टोल विकासका प्रतिनिधिहरु, बिद्यालयका प्रधानाध्यापकहरु एवम् आमा समुहका प्रतिनिधिहरुको उपस्थिति रहेको कार्यक्रम संयोजक एवम् सचिव सुदिप बरालले जानकारी दिए ।