पोखरा, ११ असाेज । पोखरा फुटवेयर बिजनेस सेन्टरले पाेखरामा चाडपर्व लक्षित ‘दशैं जुत्ता चप्पल मेला’ शुरू गरेकाे छ । बिभिन्न १० वटा नेपाली जुत्ता कम्पनीहरूद्वारा सयुक्त लगानीमा पोखरामा संचालित जुत्ता चप्पलहरुको शोरुम पोखरा फुटवेयर बिजनेस सेन्टरले दसैं तिहारलाइ लक्षित गरेर बिशेष छुट अफर सहित ‘दशैं जुत्ता चप्पल मेला’ सुरु गरेकाे हाे ।

बिजनेस सेन्टरको सृजनाचोक शोरुम र सिद्धार्थचोक शोरुममा मेला अन्तर्गतको छुट अफर लागू भएको सञ्चालक सबिन कार्कीले जानकारी दिएका छन ।

उनका अनुसार मेलाको अवसरमा जुत्ता चप्पल खरिद गर्दा १५ देखि ६० प्रतिशतसम्म छुट प्राप्त गर्न सकिनेछ । चाडपर्वको अवसरमा उपभोक्तालाई राहत होस् भन्ने उद्देश्यले मेला आयोजना गरेर छुट प्रदान गरिएको कार्कीले जानकारी दिए ।

शोरुममा १० वटा कम्पनीको ३० भन्दा बढी ब्राण्डका जुत्ता चप्पलहरु उपलब्ध छन् । चाडपर्वलाई लक्षित गरी नयाँ मोडलका जुत्ता चप्पल पनि उपलब्ध रहेको बताइएको छ । ‘दशैं जुत्ता चप्पल मेला’ काे याे छुट अफर कात्तिक ४ गतेसम्म जारी रहने पोखरा फुटवेयर बिजनेस सेन्टरले जनाएकाे छ ।