पोखरा, १५ कार्तिक । पोखरा महानगरपालिका वडा नं ३२ लामेआहालस्थित राधाकृष्ण गुरुकुल संस्कृत विद्यालयमा नयाँ विद्यालय व्यवस्थापन समिति चयन भएको छ ।

नरेन्द्रप्रसाद रेग्मीको अध्यक्षतामा गठित समितिका सदस्यहरूमा माधवशरण वाग्ले, घनश्याम खनाल, केशवराज पौडेल, प्रतिक्षा तिमल्सिना, सम्झना पौडेल, विष्णुबहादुर बस्नेत हुनुहुन्छ । समितिको पदेन सदस्यमा वडा अध्यक्ष अक्कलबहादुर कार्की र सदस्य सचिवमा प्रधानाध्यापक प्रकाश रेग्मी रहनुभएको छ ।

आध्यात्मिक जागरण सहित निम्बार्क सम्प्रदायको बिस्तार गर्ने लक्ष्यका साथ २०२२ सालमा स्थापित राधाकृष्ण मन्दिर स्थापनाको पाँच दशक पछि यसको सकृयतामा राधाकृष्ण गुरुकुल संस्कृत विद्यालय सञ्चालनमा ल्याइएको हो । २०७० सालमा स्वीकृति प्राप्त गरी २०७१ सालबाट सञ्चालनमा आएको यस विद्यालयमा कक्षा ६ देखि १० सम्मको अध्ययनअध्यापन हुँदै आएको छ ।

विद्यालयमा हाल विभिन्न जिल्लाबाट आएका ३० जना विद्यार्थी आवाशीय रुपमा अध्ययन गरिरहेका छन् ।