पोखरा, १८ असोज । पोखरा महानगरपालिका वडा नं ३२ तल्लो गगनगौंडास्थित बेलबुटे आदर्श क्लबले बडा दशैं, तिहार, नेपाल संवत तथा छठ लगायतका पर्वका अवसरमा शुभकामना आदानप्रदान सम्पन्न गरेको छ ।

कार्यक्रममा क्लबका सल्लाहकार पुष्पराज शर्मा पौडेलले क्लबले सबैलाई एकतावद्ध बनाएर लैजाने धारणा व्यक्त गरे । चाडपर्वले सबैलाई सुख शान्ति र समृद्धि ल्याउने विश्वास व्यक्त गर्दै उनले यस्ता कार्यक्रमले आपसी भाइचारा अभिबृद्धि हुनेमा जोड दिए । क्लबका अध्यक्ष नन्जिशा घिमिरेले क्लबले सबैलाई एकतावद्ध बनाएको बताउँदै आगामी दिनमा पनि यस किसिमका कार्यक्रमलाई निरन्तरता दिने विश्वास व्यक्त गरिन् ।

क्लबका सचिव सुचित्रा मिश्रले सञ्चालन एवम् उपाध्यक्ष समृद्धि पौडेल स्वागत गरेको कार्यक्रममा क्लबका कोषाध्यक्ष ओशिष घिमिरे, सदस्यहरू इशान पौडेल, सक्षम पौडेल र समिर पौडेल लगायतले सम्पूर्ण शान्ति र समृद्धिको कामना व्यक्त गरेका थिए । क्लबले बेलबुटे क्षेत्रमा सरसफाई लगायतका विभिन्न सामाजिक गतिविधिलाई अघि बढाउँदै आएको छ ।