पोखरा, १४ भदौं । नेक्रविक्रम चन्द ‘विप्लव’ नेतृत्वको नेपाल कम्युनिस्ट पार्टी कास्कीद्वारा ५ दिने प्रशिक्षण (स्कुलिङ) कार्यक्रमको उद्घाटन गरेको छ ।
दर्शन, अर्थशास्त्र, र बैज्ञानिक समाजवाद सम्बन्धि नेता तथा कार्यकर्ताको नेतृत्व, क्षमता विकास गर्ने उद्देश्यले नेकपा कास्कीले शनिवारदेखि कास्कीको लुम्लेमा पाँच दिनका लागि प्रशिक्षण (स्कुलिङ) कार्यक्रमको सुरुवात गरेको हो ।

नेपाल कम्युनिस्ट पार्टी केन्द्रिय सदस्य उमा भुजेलको प्रमुख अतिथ्यतामा करिब ३० जना प्रशिक्षार्थी सहित आयोजना गरिएको उक्त कार्यक्रममा नेकपा केन्द्रिय स्कुल विभागबाट प्रशिक्षणका लागि नेकपा केन्द्रिय सदस्य तथा केन्द्रिय स्कुल विभागका प्रमुख भेषराज भुषाल, केन्द्रिय सदस्य तथा स्कुल विभाग सदस्य लालबहादुर बिसी र अखिल नेपाल जनसांस्कृतिक महासंघका महासचिव तथा स्कुल विभाग सदस्य खेम थपलिया प्रशिक्षकको रुपमा रहेका छन् ।

कार्यक्रममा दर्शन, वैज्ञानिक समाजवादी अर्थशास्त्र, वैज्ञानिक समाजवाद सम्बन्धि बिषयहरुमा प्रशिक्षण दिईएको छ । जस अन्तर्गत बैज्ञानिक समाजवादी अर्थशास्त्र सम्बन्धि केन्द्रिय सदस्य तथा केन्द्रिय स्कुल बिभाग प्रमुख भेषराज भुषाल, दर्शनशास्त्र सम्बन्धि केन्द्रिय सदस्य तथा स्कुल बिभाग सदस्य लाल बहादुर बिसी र बैज्ञानिक समाजवाद सम्बन्धि खेम थपलियाले प्रशिक्षण दिने कार्यक्रम रहेको छ ।

महान सहिदहरु प्रति श्रद्धाञ्जली तथा बेपत्ता योद्दा प्रति स्मरण गर्दै उद्घाटन गरिएको कार्यक्रममा सहभागिहरुले अन्तर्राष्ट्रिय गीत पनि गाएका थिए । यस्तै कार्यक्रमको प्रारम्भमा प्रमुख अतिथि शिलुले प्रशिक्षकहरुलाई खादा ओढाई स्वागत गरेकी थिईन् । भने कार्यक्रमको सञ्चालन जिल्ला सेक्रेटरी गोकुल पराजुलीले गरेका थिए ।