पोखरा, १४ भदौं । लेखनाथ उद्योग बाणिज्य संघको भदौं १८ र १९ गतेका लागि तोकिएको १३ औं महाधिवेशन अर्को सूचना नआउँदासम्मका लागि स्थगित भएको छ ।

चुनाबी प्रक्रियादेखि अधिवेशनमा धेरै जनाको उपस्थिती हुन सक्ने र कोरोनाको महामारी विध्यमान रहिरहेको अवस्थालाई मध्यनजर राख्दै जिल्ला प्रशासन कार्यालय कास्कीका प्रमुख थानेश्वर गौतमको आग्रहमा अर्को सूचना नाउदाँसम्मका लागि महाधिवेशन रोकिएको हो ।

यसै बिच आईतवारै संघको कार्यसमितिको वैठक बसेर भदौं ११ गतेसम्म भएका निर्वाचनका कार्यक्रमहरुलाई यथावत राख्दै यस भन्दा पछिको कार्यक्रम अर्को सूचना नआउँदासम्मका लागि स्थगित गर्ने निर्णय गरिएको छ ।

स्थगित भएको निर्वाचनको कार्यक्रम अर्को सूचना आउनु भन्दा १० दिन अगाडी सार्वजनिक गरिने समेत लेखनाथ उद्योग बाणिज्य संघका अध्यक्ष बलराम ढकालले जानकारी दिनु भएको छ । यस अघि संघको निर्वाचनको कार्यक्रम अन्तरगत उमेदवारी दर्ता देखि उमेदवारको अन्तिम नामावली प्रकाशन गरिसकिएको थियो।

उमेदवारी दर्ताको क्रममा अध्यक्ष पदमा वर्तमान बरिष्ठ उपाध्यक्ष छत्रधर आत्रेयको मात्र उमेदवारी परेकाले आत्रेय निविरोध भईसकेका छन् भने संस्थागत सदस्यमा रामबहादुर गुरुङ र एशोसियट सदस्यमा पनि मेघराज पौडेल निविरोध निर्वाचित भएका हुन् ।