पोखरा । गण्डकी प्रदेशमा थप एकसय ८ जना नयाँ कोरोना संक्रमित थपिएका छन् । प्रदेशमा कोरोना सङ्क्रमितको सङ्ख्या छ हजार चारसय ५९ पुगेको छ । प्रदेशमा कोरोना सङ्क्रमणका कारण हालसम्म ५९ जनाको मृत्यु भएको छ । सक्रिय सङ्क्रमितको सङ्ख्या दुई हजार चारसय ७७ पुगेको छ । त्यसैगरी यस प्रदेशमा तीन हजार आठसय १५ जना कोरोना संक्रमित निको भएको स्वास्थ्य निर्देशनालय गण्डकी प्रदेशका निर्देशक एवम् गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा.विनोद विन्दु शर्माले जानकारी दिएका छन् ।

लाईफ केयर डाईग्नोस्टिक एण्ड रिसर्च सेन्टर प्रा.लि, पोखरा गरिएको परिक्षणमा गण्डकी प्रदेशमा नयाँ ४४ जना संक्रमितहरुको पुष्टि भएको थियो । दिउँसो १२ बजे अध्यावधिक गरिएको विवरण अनुसार प्रदेशमा थप नयाँ ४० जना कोरोना संक्रमितहरुको पुष्टि भएको थियो । उनिहरुको क्षयरोग उपचार केन्द्र, पोखरामा परिक्षण गरिएको थियो । त्यसैगरी विहान साढे ११ बजे अध्यावधिक गरिएको विवरण अनुसार थप ४ जनामा कोरोना पुष्टि भएको थियो । उनीहरुको पोखरा स्वास्थ्य बिज्ञान प्रतिष्ठान, पोखराको फिभर क्लिनिकबाट पहिचान गरिएको हो । त्यसैगरी, विहान साढे १० बजे गरिएको अध्यावधिक विवरण अनुसार थप २० जनामा कोरोना संक्रमणको पुष्टि भएको छ । उनीहरुको बि.पी. कोईराला स्मृति क्यान्सर अस्पताल र चितवन मेडिकल कलेज, चितवनमा गरिएको परीक्षणका क्रममा कोरोना संक्रमणको पुष्टि भएको हो । सबै संक्रमितहरुलाई आईसोलेसनमा ब्यबस्थापन गर्ने तयारी भईरहेको स्वास्थ्य निर्देशनालय गण्डकी प्रदेशले जानकारी दिएको छ ।

तल तस्विरमा स्वास्थ्य निर्देशनालय गण्डकी प्रदेशले आज दिनभरी अध्यावधिक गरेका विवरणहरुः