काठमाडौँ । स्वास्थ्य तथा जनसंख्या मन्त्रालयले नेपालमा कोरोनाको नयाँ भेरियन्ट पुष्टि नभएको जनाएको छ । बिहीबार आज मन्त्रालयले एक विज्ञप्ति जारी गर्दै नेपालमा अल्फा र डेल्टा भेरियन्ट अफ कन्सर्न मात्र रहेको जनाएको हो ।
विभिन्न अन्तर्राष्ट्रिय सञ्चारमाध्यमहरुमा आएको नेपालमा नयाँ भेरियन्ट पत्ता लागेको निराधार समाचार भएको मन्त्रालयले जारी विज्ञप्तिमा उल्लेख छ । जनस्वास्थ्यका विषयमा स्वास्थ्य तथा जनसंख्या मन्त्रालयबाट आधिकारिक सूचना जानकारी नलिई त्यस किसिमका भ्रमपूर्ण समाचार सम्प्रेषण नगरी दिनु हुन पनि विज्ञप्तिमा अनुरोध गरिएको छ । बेलायती अखबार डेली मेलमा प्रकाशित समाचारमा नेपालमा नयाँ स्वरूपमा भाइरस भेटिएको उल्लेख गरिएको थियो ।