काठमाडौँ । सरकारले श्रमजीवी पत्रकारलाई सरकारी अस्पतालमा निःशुल्क उपचार गर्ने भएको छ । आज आर्थिक वर्ष २०७८/७९ को बजेट सार्वजनिक गर्दै अर्थमन्त्री विष्णु पौडेलले पत्रकारलाई सरकारी अस्पतालमा निःशुल्क उपचारका साथै ७ लाख रुपैयाँसम्मको दुर्घटना बिमा गरिने जानकारी दिए ।

श्रमजिवी पत्रकारको लागि ७ लाख रुपैयाँसम्मको बीमा र ५० प्रतिशत बिमा प्रिमियम सरकारले व्यहोर्ने भएको हो । साउन १ गतेदेखि नेपाल पत्रकार महासंघको सदस्य रहको पत्रकारलाई प्रेस काउन्सिलले जारी गरेको उपचार सेवा परिचय पत्रका आधारमा देशभरका स्वास्थ्य संस्थामा निःशुल्क उपचार सेवाको व्यवस्था गरेको अर्थमन्त्री पौडेलले जानकारी दिए ।