काठमाडौं । स्नातक तहभन्दा माथि अध्ययन गर्नेका लागि शैक्षिक प्रमाणपत्र धितो राखेर २५ लाख रुपैयाँसम्म ऋण पाईने भएको छ ।

अधिकतम ५ प्रतिशत व्याजदरमा शैक्षिक प्रमाणपत्र धितो राखेर ऋण दिने घोषणा आज अर्थमन्त्री विष्णुप्रसाद पौडेलले गरेका छन् । आर्थिक वर्ष २०७८-७९ को बजेट सार्वजनिक गर्दै अर्थमन्त्री पौडेलले यो जानकारी दिएका हुन् ।

ल्यापटप किन्न पनि कर्जा
सरकारले सार्वजनिक विद्यालय तथा क्याम्पसका उच्च माध्यामिक र सोभन्दा माथिल्लो तहमा अध्ययनरत विद्यार्थीलाई वैकल्पिक सिकाइमा सहयोग पु¥याउने उद्देश्यका लागि ल्यापटप किन्न पनि कर्जा दिने भएको छ । यस्तो कर्जाका ब्याज एक प्रतिशतसम्म मात्र हुनेछ ।

बजेटमार्फत सरकारले एक थान ल्यापटप खरिद गर्न ८० हजार रुपैयाँ २ वर्षसम्मका लागि कर्जा दिने निर्णय गरेको हो । त्यसैगरी, १६ वर्षभन्दा माथिका विद्यार्थीलाई एक थान सिमकार्डसमेत निःशुल्क उपलब्ध गराइने योजना बजेट भाषणमा मन्त्री पौडेलले सार्वजनिक गरे ।