“गण्डकी प्रदेशमा सबैभन्दा बढी कोरोना संक्रमणबाट प्रभावित कास्की जिल्ला रहेको छ । यस प्रदेशमा कुल सक्रिय संक्रमितको संख्या सातहजार २५७ हुँदा कास्की जिल्लामा मात्र तीनहजार छसय ३० पुगेको छ । त्यसैगरी यस कास्की जिल्लामा मृत्यु हुनेको संख्या १८५ नाघिसकेको छ ।”

पोखरा । गण्डकी प्रदेशमा कोरोना संक्रमणका कारण एकै दिन २३ जनाको मृत्यु भएको छ । एकै दिन यति धेरै संख्यामा मृत्यु भएको यो पहिलोपटक हो । यस अघि १६ जनासम्मको ज्यान गएको थियो ।

स्वास्थ्य निर्देशनालय गण्डकी प्रदेशका अनुसार शुक्रबार आज मृत्यु हुनेहरुमा पोखराका विभिन्न अस्पतालहरुमा १९ र धौलागिरी अस्पताल बागलुङमा ४ गरी २३ जना रहेका छन् ।

गण्डकी प्रदेशको मात्र तथ्याङ्कलाई हेर्ने हो भने पनि पछिल्लो समय स्थिति झनै भयावह बन्दै गईरहेको देखाउँदछ । यस प्रदेशमा आजमात्र छसय ८० जना कोरोना संक्रमित थपिएका छन् । अहिलेसम्म तीनसय ४१ जनाको मृत्यु भईसकेको छ भने वैशाख महिनामा मात्र एकसय ३४ जनाले कोरोना संक्रमणका कारण ज्यान गुमाई सकेका छन् ।

गण्डकी प्रदेशमा सबैभन्दा बढी कोरोना संक्रमणबाट प्रभावित कास्की जिल्ला रहेको छ । यस प्रदेशमा कुल सक्रिय संक्रमितको संख्या सातहजार २५७ हुँदा कास्की जिल्लामा मात्र तीनहजार छसय ३० पुगेको छ । त्यसैगरी यस कास्की जिल्लामा मृत्यु हुनेको संख्या १८५ नाघिसकेको छ ।

आज मृत्यु हुनेहरुमा पोखरा–१५ की ५४ वर्षीय महिलाको फिस्टेल अस्पतालमा उपचारका क्रममा शुक्रबार बिहान मृत्यु भएको हो । उनलाई २६ गते कोरोना संक्रमण पुष्टि भएको थियो ।

पोखरा वडा नं. ४ का ८२ वर्षीय पुरुषको कोरोना संक्रमणका क्रममा चरम मेमोरियल अस्पताल पोखरामा निधन भएको छ । ती पुरुषलाई वैशाख १६ गते कोरोना संक्रमण पुष्टि भएको थियो ।

पोखरा वडा नं. १३ का ६० वर्षीय पुरुषको स्वास्थ्य विज्ञान प्रतिष्ठान पोखरामा उपचारको क्रममा निधन भएको छ । उनलाई आज नै कोरोना संक्रमण पुष्टि भएको थियो ।

त्यसैगरी, पोखरा वडा नं. २८ का ४८ वर्षीय महिलाको स्वास्थ्य विज्ञान प्रतिष्ठान पोखरामा उपचारको क्रममा निधन भएको छ । ती महिलालाई वैशाख २५ गते कोरोना संक्रमण पुष्टि भएको थियो ।

पोखरा वडा नं. ३३ का ४० वर्षीय पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख २९ गते कोरोना संक्रमण पुष्टि भएको थियो ।

पोखरा वडा नं. १७ का ३१ वर्षीय पुरुषको मणिपाल शिक्षण अस्पताल पोखरामा उपचारका क्रममा मृत्यु भएको छ । ती पुरुषलाई वैशाख २७ गते कोरोना संक्रमण पुष्टि भएको थियो ।

पाल्पा जिल्ला, तानसेन नगरपालिका वडा नं. ३ की ७७ वर्षीय महिलाको मणिपाल शिक्षण अस्पताल पोखरामा उपचारका क्रममा निधन भएको छ । ती महिलालाई वैशाख ३० गते कोरोना संक्रमण पुष्टि भएको थियो ।

पोखरा वडा नं. २३ का ७६ वषीृय पुरुषको कोरोना संक्रमणका कारण गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख २९ गते कोरोना संक्रमण पुष्टि भएको थियो ।

पोखरा वडा नं. १७ का ६३ वर्षीय कोरोना संक्रमित पुरुषको ग्यालेक्सी अस्पताल पोखरामा उपचारका क्रममा दुःखद निधन भएको छ । ती पुरुषलाई वैशाख २७ गते कोरोना संक्रमण पुष्टि भएको थियो ।

पोखरा वडा नं. २५ का ४२ वषीृय पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख २७ गते कोरोना संक्रमण पुष्टि भएको थियो ।

कास्की रुपागाउँपालिका वडा नं. १ का ६६ वर्षीय पुरुषको संक्रामक तथा सरुवा रोग अस्पताल पोखरामा उपचारका क्रममा निधन भएको छ । ती पुरुषलाई वैशाख २७ गते कोरोना संक्रमण पुष्टि भएको थियो ।

स्याङ्जा जिल्ला, पुतलीबजार नगरपालिका वडा नं. ६ का ३३ वर्षीय पुरुषको पोखरा स्वास्थ्य विज्ञान प्रतिष्ठान पोखरामा उपचारका क्रममा निधन भएको छ । ती पुरुषलाई वैशाख ३१ गते नै कोरोनाको संक्रमण पुष्टि भएको थियो ।

स्याङ्जा जिल्ला, पुतलीबजार नगरपालिका वडा नं. ३ का ७० वर्षीय पुरुषको पोखरा स्वास्थ्य विज्ञान प्रतिष्ठान पोखरामा उपचारको क्रममा निधन भएको छ । ती पुरुषलाई वैशाख १८ गते कोरोना संक्रमण पुष्टि भएको थियो ।

स्याङजा जिल्ला, आँधिखोला वडा नं. ३ का ५१ वर्षीय पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख २९ गते कोरोना संक्रमण पुष्टि भएको थियो ।

स्याङ्जा जिल्ला, गल्याङ वडा नं. ३ का २६ वर्षीय पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख २९ गते कोरोना संक्रमण पुष्टि भएको थियो ।

स्याङ्जा जिल्ला, वालिङ वडा नं. १० का ५३ वर्षीय कोरोना संक्रमित पुरुषको गण्डकी मेडिकल कलेज पोखरामा उपचारका क्रममा मृत्यु भएको छ । ती पुरुषलाई वैशाख १९ गते कोरोना संक्रमण पुष्टि भएको थियो ।

स्याङ्जा जिल्ला, गल्याङ वडा नं. ११ का ५७ वर्षीय पुरुषको मणिपाल शिक्षण अस्पताल पोखरामा उपचारका क्रममा मृत्यु भएको छ । ती पुरुषलाई वैशाख २६ गते कोरोना संक्रमण पुष्टि भएको थियो ।

बागलुङ जिल्ला, बडिगाड गाउँपालिका वडा नं. ४ का ४० वर्षीय पुरुषको कोरोना संक्रमणका कारण धौलागिरी अस्पताल बाग्लुङमा उपचारका क्रममा निधन भएको छ । ती पुरुषलाई वैशाख १९ गते कोरोना संक्रमण पुष्टि भएको थियो ।

बागलुङ जिल्ला बागलुङ नगरपालिका (वडा नं. खुलाईएको छैन)का ३९ वर्षीय पुरुषको कोरोना संक्रमणको कारण मणिपाल शिक्षण अस्पताल पोखरामा उपचारका क्रममा निधन भएको छ । ती पुरुषलाई वैशाख २४ गते कोरोना संक्रमण पुष्टि भएको थियो ।

बागलुङ जिल्ला, बागलुङ नगरपालिका वडा नं. ७ का ६३ वषीृय कोरोना संक्रमित पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख ३० गते कोरोना संक्रमण पुष्टि भएको थियो ।

तनहुँ जिल्ला, भीमाद नगरपालिका वडा नं. ६ की ४४ वर्षीय महिलाको गण्डकी मेडिकल कलेज पोखरामा उपचारको क्रममा निधन भएको छ । ती महिलालाई वैशाख २२ गते कोरोना संक्रमण पुष्टि भएको थियो ।

तनहुँ जिल्ला, शुक्लागण्डकी नगरपालिका वडा नं. ६ का ४८ वर्षीय पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख १९ गते कोरोना संक्रमण पुष्टि भएको थियो ।

तनहुँ जिल्ला, म्याग्दे गाउँपालिका वडा नं. ३ का ५१ वर्षीय पुरुषको गण्डकी मेडिकल कलेज पोखरामा उपचारका क्रममा निधन भएको छ । ती पुरुषलाई वैशाख २० गते कोरोना संक्रमण पुष्टि भएको गण्डकी प्रदेश कोरोना नियन्त्रण तथा रोकथाम कार्यक्रमका निर्देशक डा.विनोद विन्दु शर्माले जारी गरेको विज्ञप्तिमा उल्लेख छ ।