पोखरा । श्रीमानको कुटाईबाट गम्भिर घाईते भएकी देवी विकको आज मृत्यु भएको छ । पोखरा वडा नं. २६ बराल डाँडा बस्ने देवबहादुर विकले मद्यपान सेवन गरी शुक्रबार दिउँसो २ बजे श्रीमती देवी जिसी विकलाई गम्भिर घाईते हुने गरी कुटपिट गरेका थिए ।

कुटपिटबाट गम्भिर घाइते भएकी श्रीमती देवीको उपचारका लागि देवबहादुरले शुक्रबार नै विभिन्न अस्पतालमा लगि उपचार गराएर घरमा लगेका थिए । गण्डकी प्रदेश प्रहरी कार्यालय पोखराका प्रहरी उपरीक्षक विनोद सिलवालका अनुसार आइतवार विहान घाइते देवी अचेत भएपछि पुनः उपचारका लागि पश्चिमाञ्चल क्षेत्रीय अस्पताल पोखरामा लगिएकोमा उपचारका क्रममा मृत्यु भएको थियो । घटना लगत्तै प्रहरीले श्रीमान देवबहादुरलाई नियन्त्रणमा लिएर आवश्यक अनुसन्धान गरिरहेको छ ।