News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

‘ओलीले नै जबज सिध्याउने काम गरेका हुन्’

'अहिले आएर मदन भण्डारीको विरासत हामीले थामेको भनेर नक्कली कुरा गर्नुहुन्छ' : वरिष्ठ नेता नेपाल

काठमाडौं । नेपाल कम्युनिष्ट पार्टी एमालेका वरिष्ठ नेता माधवकुमार नेपालले अध्यक्ष खड्गप्रसाद ओलीले नै जनताको बहुदलीय जनवाद (जबज) सिध्याउने काम गरेको आरोप लगाए ।

आज सानेपामा राष्ट्रिय कार्यकर्ता भेलामा बोल्दै वरिष्ठ नेता नेपालले भने–‘जबज सिध्याउने काम ओलीले नै गर्नुभयो । जबजबारे अडान लिनुभएन, खुसुक्क हटाउनुभयो । अहिले आएर मदन भण्डारीको विरासत हामीले थामेको भनेर नक्कली कुरा गर्नुहुन्छ ।’ नेता नेपालले यस्तो भ्रममा कोही पनि नपर्न आग्रह समेत गरे ।

प्रधानमन्त्री एवम् नेकपाका अध्यक्ष ओलीप्रति कडा रुपमा प्रस्तुत भएका वरिष्ठ नेता नेपालले जनताको बहुदलीय जनवादको नारा लगाउँदै ओलीले निरंकुश प्रवृत्ति लाद्न खोजेको बताए । अझ चर्को राष्ट्रवादीको छाप बनाउन खोजेका अध्यक्ष ओलीलाई वरिष्ठ नेता नेपालले विदेशी तत्वहरुको सेवा गरेको आरोप समेत लगाए ।

वरिष्ठ नेता नेपालले अध्यक्ष ओली आफूलाई केन्द्रविन्दुमा राख्ने व्यक्तिवादी र तानाशाही प्रवृत्ति भएको व्यक्ति भएको बताए । नेता नेपालले भने–‘अध्यक्ष ओलीमा म नै राष्ट्र हुँ भन्ने गलत प्रवृत्ति हावी छ । त्यो आफूलाई केन्द्रविन्दुमा राख्ने प्रवृत्ति हो । त्यसैले उहाँलाई इमान्दार कार्यकर्ता चाहिँदैन ।’

प्रतिक्रिया