News Portal

ताजा शिर्षकहरु

चर्चित शिर्षकहरु

प्रवास समाचार

लम्जुङमा सुरक्षाकर्मी र सञ्चारकर्मीसहित वृद्धवृद्धालाई सहयोग

सिर्जना घिमिरे
लम्जुङ । जिल्ला प्रहरी कार्यालय लम्जुङ, नेपाल पत्रकार महासंघ लम्जुङ शाखा र सर्वाेदय ज्येष्ठ नागरिक आश्रमका बृद्धबृद्धाहरुलाई आज माक्स, सेनिटाईजर र लत्ताकपडा बितरण गरिएको छ । नेपाल सांस्कृतिक संघका अध्यक्ष तीर्थ थापा, लम्जुङ निवासी नेपाल प्रहरी संगठनका प्रहरी नायब उपरीक्षक सुबास बोहरा, पर्यटन व्यवसायी शम्शेर पराजुली र राजु पराजुली (अमेरिका निवासी) सहितको टोलीले सो सहयोग प्रदान गरेको हो ।

टोलीले लम्जुङ प्रहरी र पत्रकार महासंघ लम्जुङ शाखालाई १/१ हजार थान मास्क, ५÷५ लिटर सेनिटाईजर प्रदान गरेको थियो । अहिलेको विषम परिस्थितिमा चूनौंती मोलेर अग्रस्थानमा रहेर काम गर्नुपर्ने भएकोले सुरक्षित रहनका लागि सुरक्षाकर्मी र सञ्चारकर्मीलाई यो सहयोग गरिएको सांस्कृतिक संघका अध्यक्ष तीर्थ थापाले बताउनुभयो ।

जिल्ला प्रहरी कार्यालय लम्जुङका प्रमुख प्रहरी नायव उपरीक्षक गंगाबहादुर थापाले दिनरात नभनी यो कोरोनाको कहरमा पनि जनताको सेवामा खटिएको प्रहरीप्रति आमनागरिकका तर्फबाट सहयोग प्रदान गर्नुभएकोमा खुशी व्यक्त गर्नुभयो ।

नेपाल पत्रकार महासंघ लम्जुङ शाखाका अध्यक्ष आस गुरुङले सहयोगी सबैप्रति आभार प्रकट गर्दै चूनौंती र संकटको घडीमा पत्रकारको भूमिका महत्वपूर्ण हुनेमा जोड दिनुभयो । मनकामना क्लब लम्जुङका अध्यक्ष सूर्यबहादुर थापाले सुरक्षाकर्मी र सञ्चारकर्मीको भूमिका संकटको समयमा झनै महत्वपूर्ण हुने भएको भन्दै खुलेरै प्रशंसा गर्नुभयो ।

त्यस्तै, सोही टोलीले किवानिज क्लव अफ मनकामना मार्फत् दोर्दी गाउँपालिका ११ र दूध पोखरी गाउँपालिकाका १२ घर परिवारलाई २÷२ बण्डल जस्तापाता र खाद्यान्न सहयोग गरेको छ । गत असार महिनामा आएको पहिरोमा आमा, बाबु र भाइ समेत गुमाएकी बेसिशहर सातबिसेकी १३ बर्षकी डोल्मा तामाङलाई सो टोलीले १५ हजार नगद सहयोग गरेको छ ।

त्यस्तै पर्यटन व्यवसायी शम्शेर पराजुली र उहाँका दाइ राजु पराजुलीले आफ्ना पिताको नाममा स्थापना गरेको रामलक्ष्मण फाउन्डेसनबाट हर्राबोटमा रहेको सर्वाेदय ज्येष्ठ नागरिक आश्रमका बृद्धबृद्धाहरुलाई न्यानो कपडा र नगद ३० हजार रुपैयाँ सहयोग गरेको थियो । । टोलीले आज सबै ठाउँमा गरी ७ लाख रुपैयाँ बराबरको सहयोग प्रदान गरेको हो ।

प्रतिक्रिया

डनन्यूज ट्रेन्डिङ