पोखरा । पोखरा उद्योग वाणिज्य संघको यही पुस २४ र २५ गते हुने ३३ औं महाधिवेशनका लागि पोखराका आध्यात्मिक एवम् वौद्धिक व्यक्तित्व उत्तममान बुद्धाचार्यले सदस्य पदमा उमेद्वारी दर्ता गराउनु भएको छ ।

एलिगेन्स ट्रेड सेन्टर र पोखरा एफएमका सञ्चालक बुद्धाचार्यले स्वतन्त्र रुपमा उमेदवारी घोषणा गर्नुभएको हो । विश्व शान्ति स्तुप समितिका अध्यक्ष, युवा वौद्ध संघका संस्थापक अध्यक्ष, लायन्स क्लब अफ लेकसिटीका पूर्वअध्यक्ष, धर्मोदय सभा कास्कीका उपाध्यक्ष, क्षेत्रीय रक्त सञ्चार केन्द्रका पूर्व सदस्य एवम् दर्जनौं सामाजिक संघसंस्थामा बुद्धचार्य आवद्ध हुनुहुन्छ । आध्यात्मिक, वौद्धिक र सञ्चारउद्यमीको रुपमा चिनिनु भएका बुद्धाचार्यले व्यवसायीको हक, हित र संरक्षणमा सक्दो पहल गर्ने प्रतिवद्धताका साथ आफ्नो उमेद्वारी दिएको बताउनुभयो ।