News Portal

ताजा शिर्षकहरु

चर्चित शिर्षकहरु

पर्यटन समाचार

पोखरा पर्यटन परिषदको अध्यक्षमा भट्टराई 

पोखरा पर्यटन परिषदको २० औँ साधारणसभा तथा ११औँ अधिवेशनको उदघाटन समारोहमा मन्तव्य राख्दै गण्डकी प्रदेशका मुख्यमन्त्री पृथ्वीसुब्वा गुरुङ । रासस

पोखरा । पर्यटन व्यवसायीको छाता सङ्गठन पोखरा पर्यटन परिषद्को ११ औँ अधिवेशनबाट अध्यक्षमा गोपी भट्टराई सर्वसम्मत निर्वाचित हुनुभएको छ । शुक्रबार सम्पन्न सो अधिवेशनबाट उपाध्यक्षमा पोमनारायण श्रेष्ठ, महासचिवमा रामचन्द्र शर्मा, सचिवमा तारानाथ पहारी र कोषाध्यक्षमा कृष्ण काफ्ले चयन हुनुभएको हो । त्यसैगरी सदस्यमा लक्ष्मण सुवेदी र शोभाकान्त पौडेल चयन हुनुभएको छ । बाँकी दुई सदस्य कार्यसमितिले चयन गर्ने जनाइएको छ । परिषद्मा पोखराका पर्यटन क्षेत्रसँग सम्बद्ध १२ वटा संस्था आबद्ध छन् ।

निर्वाचित भएसँगै रासससँगको कुराकानीमा अध्यक्ष भट्टराईले कोरोना महामारीले अस्तव्यस्त बनेको पोखराको पर्यटनलाई चलायमान बनाउन परिषद् सबैसँग सहकार्य र समन्वय गरेर अघि बढ्ने बताउनुभयो । कठिन अवस्थामा प्राप्त जिम्मेवारीलाई चुनौतीसँगै अवसरका रुपमा लिँदै पोखराको पर्यटन विकासका लागि तीनै तहका सरकारसँग समन्वय गरी नयाँ खोज र सोचका साथ अघि बढ्ने प्रतिबद्धता उहाँले व्यक्त गर्नुभयो ।

प्रतिक्रिया