गुल्मी । हुलबाट तम्घास आउँदै गरेको जिप दुर्घटना हुँदा घटनास्थलमा नैं पाँचजनाको ज्यान गएको छ । दुर्घटनामा परी तीनजना घाईते भएका छन् । गुल्मीको इस्मा गाउँपालिका वडा नं. ४ को दोहलीको हुलमा लु१ज ११६६ नम्बरको जिप दुर्घटना भएको इस्मा प्रहरी चौकीका इन्चार्ज मोहनलाल अधिकारीले जानकारी दिएका छन् ।

दुर्घटनामा परी इस्मा गाउँपालिका ४ हुलका ३३ वर्षीय धनबहादुर अछामी, ३० वर्षीय बसन्त दर्लामी, ३३ वर्षीय शिव दर्लामी, ६५ वर्षीय डम्बर हितान र मालिका गाउँपालिका वडा नंं. ५ की ८० वर्षीया सुन्दरी थापाको ज्यान गएको हो ।

दुर्घटनामा परेर इस्मा गाउँपालिका वडा नं. ४ हुलकै २८ वर्षीया सरस्वति दर्लामी, १९ वर्षीय फर्सुराम थापा र सहचालक २५ वर्षीय कमल हितान घाइते भएको प्रहरीले जानकारी दिएको छ । घाइतेहरुलाई उपचारको लागि गुल्मी अस्पताल पठाइएको छ । दुर्घटनामा चालक बुद्ध बस्नेत भने सकुशल रहेका छन् । दुर्घटना के कसरी भयो भन्ने विषयमा अनुसन्धान भईरहेको प्रहरीले जानकारी दिएको छ ।