News Portal

ताजा शिर्षकहरु

चर्चित शिर्षकहरु

क्राईम–न्यूज डन न्यूज खोज प्रमुख समाचार

अव्यवस्थित सुकुम्वासी समाधान आयोग काठमाडौंका नाममा ठगी

घरजग्गा उपलब्ध गराई दिन्छौं भन्दै पोखरा महानगरपालिका वडा नं. १४ भोटे चौताराका सुकुम्वासीवस्तीका जनतालाई ठगी गर्ने आठजनाको गिरोहलाई प्रहरीले पक्राउ गरेको छ ।

डन न्यूज
पोखरा । घरजग्गा उपलब्ध गराई दिन्छौं भन्दै पोखरा महानगरपालिका वडा नं. १४ भोटे चौताराका सुकुम्वासीवस्तीका जनतालाई ठगी गर्ने आठजनाको गिरोहलाई जिल्ला प्रहरी कार्यालय कास्कीको टोलीले पक्राउ गरेको छ । नेपाल सरकार अव्यवस्थित सुकुम्वासी समाधान आयोग काठमाडौंको गण्डकी प्रदेश कार्य समितिका पदाधिकारी हौं भन्दै घरजग्गा उपलब्ध गराईदिने आश्वासनमा रकम उठाएको गोप्य सूचनाको आधारमा कास्की प्रहरीको टोलीले त्यो गिरोहलाई पक्राउ गर्न सफल भएको हो ।

यसरी पक्राउ पर्नेहरुमा कास्कीको माछापुच्छ«े गाउँपालिका वडा नं. ९ सिजिङ स्थायी घर भई हाल पोखरा–५ प्रस्याङमा डेरा गरी बस्ने वर्ष ३९ का हिराबहादुर तामाङ, म्याग्दी रघुगंगा गाउँपालिका वडा नं. ४ राफु स्थायी घर भई हाल पोखरा–१४, कुँडहर बस्ने वर्ष ३० का रमेशकुमार परियार, रुपन्देही साबिक सैनामैना नगरपालिका वडा नं. ९ बाँसगडी स्थायी घर भई हाल पोखरा–१४ चाउथे बस्ने वर्ष ३५ का ओमबहादुृर सुनार, सिन्धुपाल्चोक त्रिपुरासुन्दरी घर भई हाल पोखरा–१३ बस्ने वर्ष ३७ की रिता बिश्वकर्मा, पोखरा–१७ चोरसाँघु घर भएकी सोनु परियार, पोखरा–१३ बाँझापाटन घर भएकी वर्ष २७ की सिता सुनार, पोखरा–१३, मियापाटन घर भएका ५० वर्षीय हर्कबहादुर बिक र पोखरा–१३ मियापाटनका २४ वर्षीय मौसम सदासंकर रहेका छन् ।

त्यो टोलीले तत्कालै उक्त जग्गामा अमिन लगेर फिल्ड नापजाँच गर्नु पर्ने भन्दै रकम उठाई रहेको प्रहरीको भनाई छ । यसरी पक्राउ परेकाहरुलाई अपराधिक विश्वासघात तथा अपराधिक लाभ सम्बन्धी कसुर अन्तरगत मुद्दा दर्ता गरी अनुसन्धान प्रकृया अगाडि बढाएको छ ।

प्रहरीले उनीहरुको साथबाट बैठक बसी निर्णय गरिएको रजिष्टर १ थान, नगद उठाएको रजिष्टर १ थान, नगदी रिसद प्याडहरु, नगद उठाएको रसिद प्याडको अर्धकट्टीहरु, विभिन्न व्यक्तिहरुको नागरिकताको फोटोकपि १९ थान, विभिन्न व्यक्तिहरुको पासपोर्ट साईजको फोटोहरु, अव्यवस्थित सुकुम्वासी समस्या समाधान आयोग काठमाडौं लेखिएको गण्डकी प्रदेश कार्यसमिति गठन भएको पत्र १ थानका साथमा नगद एकलाख ६१ हजार रुपैयाँ रहेको छ ।

 

प्रतिक्रिया