तनहुँ, १६ जेठ । तनहुँको म्याग्दे गाउँपालिका–१, गुणादीमा बसको ठक्करबाट एक पैदलयात्रीको मृत्यु भएको छ।

शनिबार दिउँसो पोखराबाट काठमाडौंतर्फ जाँदै गरेको बा.१ प ९२७ नम्बरको बसले ठक्कर दिँदा सोही स्थानका ६९ वर्षीय सम्मर बहादुर रानाभाट गम्भीर घाइते भएका थिए।

नेपाल प्रहरीका अनुसार दुर्घटनामा घाइते भएका रानाभाटलाई तत्काल उपचारका लागि दमौलीस्थित प्रदेश अस्पताल लगिएको थियो। उपचारकै क्रममा उनको मृत्यु भएको प्रहरीले जनाएको छ।

दुर्घटनापछि प्रहरीले बस र त्यसका चालकलाई नियन्त्रणमा लिई आवश्यक अनुसन्धान अघि बढाएको छ।