तत्काल रकम फिर्ता र दोषीमाथि कडा कारबाहीको माग

पोखरा, ३० असार । पोखरा–२१, रामदी, एकहातेमा रहेको मिलन चण्डी कालिका कृषि सहकारीमा ७० लाखभन्दा बढी रकम ठगी भएको छ । ३५ लाख ७० हजारको हिसाब नै हराएको छ, भने बाँकी ३५ लाख ६० हजार आफन्तका नाममा तमसुक र धितोविनै हस्तान्तरण गरिएको भनिएको मात्र छ । त्यो प्रमाणित भने हुन सक्दैंन । त्यो रकम पनि यहीं गिरोहले विभिन्न व्यक्तिको नाम लेखेर आफैंले लुटेको प्रष्ट देखिन्छ ।

अध्यक्ष क्याप्टेन दिलबहादुर थापा, कोषाध्यक्ष भक्तबहादुर गुरुङ, व्यवस्थापक हिमलाल पौडेल, लेखा समिति संयोजक रामप्रसाद सुवेदी र अडिटर कमलबहादुर रेग्मीको मिलेमतोमा योजनाबद्ध ठगी गरिएको हो । सहकारीमा वडा नं. २१, २२ र १७ का किसानहरुले दुःखसुख गरेर रकम बचत गर्दै आईरहेका थिए ।

सुबास समेत भनेर चिनिने सहकारीका कोषाध्यक्ष भक्तबहादुर मालपोत कार्यालयका लेखनदास समेत हुन् ।

अध्यक्ष थापा नेकपा एमालेका कार्यकर्ता र कोषाध्यक्ष गुरुङ एमाले महानगर कमिटीका सदस्य हुन् । सुबास समेत भनेर चिनिने सहकारीका कोषाध्यक्ष भक्तबहादुर मालपोत कार्यालयका लेखनदास समेत हुन् । अडिटर रेग्मी, जो थापाका ज्वाइँ र एमाले सहकारी संगठनका केन्द्रीय सदस्य तथा गण्डकी प्रदेशका पूर्वअध्यक्ष हुन् । यो घोटालाका मुख्य योजनाकार व्यवस्थापक पौडेल माओवादी कार्यकर्ता एवम् जन्मभूमि खबरका पत्रकार समेत हुन् ।

सहकारीमा गडबढ भएको शंका लागेपछि २०८० माघ ३० गतेका दिन निवेदन दिएर सहकारी भित्र भएको घोटालाका विषयमा छानबिन गर्नुपर्ने माग बचतकर्ताहरुले राखेका थिए । त्यसपछि पहिलो बैठक फागुन ६ गते बसेर १७ गते बृहत भेलाको आयोजना गरिएको थियो । बृहत भेलाले कृष्णप्रसाद देवकोटाको संयोजकत्वमा पाँच सदस्यीय छानबिन समिति गठन गरेको थियो ।

अध्यक्ष थापा नेकपा एमालेका कार्यकर्ता र कोषाध्यक्ष गुरुङ एमाले महानगर कमिटीका सदस्य हुन् । अडिटर रेग्मी, जो थापाका ज्वाइँ र एमाले सहकारी संगठनका केन्द्रीय सदस्य तथा गण्डकी प्रदेशका पूर्वअध्यक्ष हुन् । यो घोटालाका मुख्य योजनाकार व्यवस्थापक पौडेल माओवादी कार्यकर्ता एवम् जन्मभूमि खबरका पत्रकार समेत हुन् ।

समितिमा प्रेमराज पौडेल, इन्द्रप्रसाद बराल, कुलबहादुर गुरुङ र खगराज न्यौपाने थिए। ७० दिनको गहन अनुसन्धानपछि २०८२ वैशाख २७ मा बुझाइएको प्रतिवेदनले पाँच जनाको टोलीले सञ्चालक समितिलाई गुमराहमा राखी रकम हिनामिना गरेको पुष्टि गरेको छ । छानबिनका क्रममा लेखा संयोजक र अडिटरको भूमिका झनै शंकास्पद र घोटालामा मिलेमतो गरेको पाईएको थियो ।

राजनीतिक पहुँचको आडमा दोषीहरूले कारबाहीबाट उन्मुक्ति खोजिरहेका छन् । अध्यक्ष थापाले घोटाला स्वीकार्दै असार मसान्तसम्म रकम फिर्ता गर्ने वाचा गरे पनि अध्यक्ष लगायत ३ जनाले गोप्य रूपमा सहकारीलाई बुझाएको चेक अझै साटिएको छैन ।

गाउँले किसानहरूको रगत–पसिनाको कमाइ लुटिएको यो घटनाले सहकारीप्रतिको विश्वास डगमगाएको छ । बचतकर्ताहरूले तत्काल रकम फिर्ता र दोषीमाथि कडा कारबाहीको माग गरेका छन् ।