पोखरा, १४ फागुन । राष्ट्रिय फोटो पत्रकार समूह (एनएफपिजे), कास्की अध्यक्षमा योगेन्द्र श्रेष्ठ चयन भएका छन् । मंगलबार पोखरामा सम्पन्न अधिवेशनले उनको नेतृत्वमा सर्वसम्मत् नयाँ कार्यसमिति चयन गरेको हो ।

११ सदस्यीय कार्यसमिति उपाध्यक्षमा वसन्त शेर्पा, सचिवमा प्रेम थापा, कोषाध्यक्षमा गणेश बज्र लामा, सहसचिवमा माधव पोखरेल छन् । सदस्यमा हुमबहादुर गुरुङ, अभिनन्दन बजिमिया, मदनमणि तिमिल्सिना, सागर ढकाल र आदित्य रसाइली चयन भए । रिक्त एक सदस्य पछि मनोनीत हुनेछ भने कार्यकाल ३ वर्षको हुनेछ ।

संस्थाका केन्द्रीय अध्यक्ष प्रदीपराज वन्तले संस्थागतरुपमा अग्रज फोटो पत्रकारसँग समन्वय गरेर काम गर्ने बताए । उनले नवनिर्वाचित कार्यसमितिलाई हार्दिक बधाई तथा सफल कार्यकालको शुभकामना व्यक्त गरे । कार्यक्रममा राधिका कँडेलले फोटो पत्रकारको हकहितमा काम गर्न आग्रह गरिन् ।