पोखरा २६ मङ्सिर । पोखराको छोरेपाटनस्थित छोरेपाटन माध्यमिक विद्यालयले ४६ओेैं वार्षिक उत्सवको अबसरमा आउँदो पुस १४ गते पोखरा महानगरस्तरीय माध्यामिक तह १ दिने विज्ञान प्रदर्शनीको आयोजना गर्ने भएको छ ।

प्रदर्शनीमा तीसवटा भन्दा बढी विद्यालयहरुको सहभागिता रहने अनुमान बिद्यालयले गरेको छ । प्रदर्शनीमा तीन हजार भन्दा बढी दर्शकहरुले अवलोकन गर्ने आँकलन विद्यालयले गरेको छ ।

विद्यार्थीहरुले किताबमा पढेका विषयलाई यस किसिमको प्रदर्शनीले बुुझ्न सजिलो बनाउने छ भने कक्षा कोठामा सिकेका ज्ञानहरुलाई व्यवहारिक प्लेटफर्म उपलब्ध गराउने उद्देश्यले प्रदर्शनीको आयोजना गरिएको बिद्यालयका प्रधानाध्यापक डिल्लीराम शर्माले बताए ।

कार्यक्रम सफल बनाउन बिद्यालयका रसायन बिज्ञान का शिक्षक नारायण थापाको संयोजकत्वमा उपसमिति गठन गरी विभिन्न कार्य बिभाजन गरिएको बिज्ञान समुहका इन्चार्ज मेघनाथ पौडेलले जानकारी दिएका छन् ।

प्रतियोगिता प्रथम, द्वितीय, तृतीय र सान्त्वना हुने बिद्यालयले क्रमशः नगद २० हजार, १५ हजार, १० हजार र ७ हजारसहित प्रमाणपत्र र मेडल प्राप्त गर्नेछन् ।