पोखरा। पोखरा र लमजुङमा छुट्टाछुट्टै आगलागीका कारण भौतिक क्षति पुगेको छ ।कास्कीको पोखरा महानगरपालिका–१३ कञ्चन टोलमा आज बिहान सुनीलप्रसाद घिमिरेको होमसेन्टर फर्निचर उद्योगमा आगलागी भएको गण्डकी प्रदेश प्रहरी कार्यालयले जनाएको छ । प्रहरी टोली, स्थानीयवासी र दमकलको सहयोगमा आगो नियन्त्रणमा आएको थियो । आगलागीको कारण नखुलेको र घटनाका विषयमा थप अनुसन्धान भइरहेको गण्डकी प्रदेश प्रहरी कार्यालयका प्रहरी नायब उपरीक्षक राजेन्द्रबाबु रेग्मीले जानकारी दिनुभयो ।

आजै लमजुङको मध्यनेपाल नगरपालिका-६ भोर्लेटारबाट रामबजारतर्फ जाँदै गरेको ग१त ५०९७ नं. को खाली ट्याक्टरमा आफैँ आगलागी भएको प्रहरीले जनाएको छ । ट्याक्टरको अगाडिको भाग पूर्णरुपमा नष्ट भएको र घटनाबारे थप अनुसन्धान भइरहेको जनाइएको छ ।