काठमाडौँ । पूर्वन्यायाधीश भैरवप्रसाद लम्सालको निधनमा सर्वोच्च अदालतका बिहीबारका सबै सुनुवाइ स्थगित भएका छन् । लम्सालको निधनमा शोक प्रस्ताव जारी गर्दै सुनुवाइ स्थगित भएको हो ।

यसअघि प्रधानन्यायाधीश चोलेन्द्रशम्सेर जबराले न्यायाधीशहरुको बहिष्कारका बीच आज पनि इजालास तोकेका थिए । जबराकोको राजीनामा माग्दै इजलास अघोषितरुपमा बहिष्कार गरिरहेका न्यायाधीशले उनले तोकेको इजलास सोमबारदेखि नै बहिष्कार गर्दै आएका छन् ।

जबराले जिल्ला र उच्च अदालतको आदेशले थुनामा परेकाहरुले दिएको निवेदनहरुसहित २८ मुद्दा आफ्नै इजलासमा राखेर पेशी तोके पनि आज सुनुवाइ नभएको हो । न्यायाधीहरुले सोमबारदेखि इजलास बहिष्कार गरेपछि उनले बुधबारदेखि मुद्दा हेर्न थालेका थिए ।