काठमाडौं । सरकारले ज्येष्ठ नागरिकलाई विशेष राहत दिदैं सबै प्रकारका सामाजिक सुरक्षा भत्तामा ३३ प्रतिशत वृद्धि गरेको छ । आज भएको बजेट भाषण मार्फत् सरकारले ज्येष्ठ नागरिकको मासिक भत्ता ४ हजार रुपैयाँ पु¥याएको छ ।

अर्थमन्त्री विष्णु पौडेलले सामाजिक सुरक्षाका लागि १ खर्ब रुपैयाँ विनियोजन गरेको बजेट भाषण मार्फत् आज जानकारी दिए । यही साउनबाट लागू हुने गरी ज्येष्ठ नागरिकको भत्ता ४ हजार पु¥याईएको हो ।

यसअघि सरकारले आर्थिक वर्ष २०७६/७७ को बजेटले वृद्धभत्ता ३ हजार पु¥याएको थियो । त्यसअगाडि मासिक २ हजार रुपैयाँ भत्ता रहेको थियो ।

एमालेको सरकारका बेलामा तत्कालिन अर्थमन्त्री भरतमोहन अधिकारीले शुरु गरेको वृद्धभत्तालाई एमालेले आफ्नो भोट राजनीतिका रुपमा उपयोग गर्दै आईरहेको छ । सरकारी ढुकुटीबाट रकम बिनियोजन गरिए पनि नेकपा एमालेले आफ्नै पार्टीका तर्फबाट दिएको झैं गरी यसलाई चुनावी नाराका रुपमा प्रयोग गर्दै आईरहेको छ ।

यस अघि एमाले र माओवादी केन्द्रबीचको एकतापछि जारी भएको चुनावी घोषणा पत्रमा समेत वृद्धभत्ता ५ हजार पु¥याउने भनिएको थियो । सोही अनुसार एमालेको सरकारले वृद्धभत्ता बढाएको हो ।