
१भारत भ्रमणमा राष्ट्रिय हित र रणनीतिक आर्थिक साझेदारीलाई प्राथमिकता दिन सुझाव
२२२ करोडको हेरोइनसहित अन्तर्राष्ट्रिय गिरोहका सदस्य पक्राउ
३सराङकोट बालसुधार गृहबाट फरार बालबन्दी १८ घण्टामैं पक्राउ
४तराईबाट राष्ट्रिय आस्थाको पर्व बनेको छठले आध्यात्मिक आकर्षण बढाउँदै
५अध्यक्षसहित दुई सदस्य समितिमा बस्न नमानेपछि समितिलाई नयाँ स्वरूप दिने तयारी
६इनमसँग शंकास्पद कारोबार देखिएका कांग्रेस नेता उमेश श्रेष्ठका भाइ महेश पक्राउ
७डीडीसीको करोडौं अनियमितता प्रकरण : विराटनगर आयोजना प्रमुख शर्मा पक्राउ
८कांग्रेस देउवा पक्षको गण्डकी प्रदेश अधिवेशन मंसिर ५ र ६ गते पोखरामा हुने
९रोकिराखेको बोलेरोमा स्कुटर ठोक्किँदा २ जनाको मृत्यु
१०रास्वपाका २० नेता चीन जाँदै, राष्ट्रिय हितका विषय निर्धक्क राख्न प्रधानमन्त्रीको निर्देशन
११भीमफेदी ईभी दुर्घटना : मृतकको संख्या १४ पुग्यो
१२पोखरामा जिप दुर्घटना : एकको मृत्यु, १२ जना घाइते
१कास्की प्रमुख हुँदादेखि नै छरपष्ट र विवादित थिए आईजिपी दानबहादुर कार्कीको धन्दा
२विचौंलिया इनमको जालोमा प्रधानन्यायाधीशदेखि आईजिपिसम्म !
३प्रधानमन्त्रीज्यू, पोखराको लेकसाइडमा प्रहरी-विचौंलिया सेटिङको जरा उखेल्नुहोस् !
४बिचौलिया सापकोटालाई पटक-पटक भेटेको न्यायाधीश फुयालको स्वीकारोक्ति
५बदनाम प्रहरी प्रमुख दानबहादुर कार्की बर्खास्त
६आज विजया दशमी: बिहान १०:२६ बजे टीकाको उत्तम साइत
७फ्लोअप: ‘बाल यौन दुरुपयोग’मा जर्मन नागरिक दोषी ठहर, देश निकाला
८नेपालमा बालबालिकाको रगतमा लेडको जोखिम उच्च
९‘समाचारको स्रोत पत्ता लगाउन समाचारकक्षमा प्रहरी छिरेको हो भने मुलुकमा संविधान सकियो’: शिव गाउँले
१०पोखराको प्राकृतिक तथा ऐतिहासिक सम्पदामाथि दोहनको श्रृंखला-तत्काल रोकियोस्
११आईजिपी कार्कीसम्बन्धी समाचार लेख्ने पत्रकार धमाधम पक्राउ, महासंघद्वारा निन्दा
१२डा. मनोज केसी नेपाल प्रहरीको ३४औं महानिरीक्षक
काठमाडौं, ११ साउन । नेकपा माओवादी केन्द्रका प्रमुख सचेतक हितराज पाण्डेले पोखराको १३५ रोपनी जग्गा प्रकरणमा भूमि व्यवस्था, सहकारी तथा गरिबी निवारणमन्त्री बलराम अधिकारीको संलग्नता रहेको भनिएको लिचिबारी अडियो प्रकरण र भूमिसम्बन्धी विधेयकलाई लिएर सरकार र मन्त्रीको जवाफदेहीतामाथि गम्भीर प्रश्न उठाएका छन्।
आइतबार बसेको कृषि, सहकारी तथा प्राकृतिक स्रोत समितिको बैठकमा भूमिसम्बन्धी ऐन संशोधन विधेयक, २०८२ माथिको छलफलका क्रममा पाण्डेले यी विषयमा कडा अडान राखेका हुन्।
पाण्डेले लिचिबारी अडियोको सत्यतामाथि प्रश्न उठाउँदै मन्त्री बलराम अधिकारीको प्रत्यक्ष संलग्नताबारे स्पष्ट जवाफ माग गरे। उनले भने, “यो अडियो सही हो भने मन्त्रीज्यूको नाम स्पष्ट रूपमा जोडिएको छ। यदि फेक हो भने यस्तो गम्भीर आरोप लगाउनेलाई किन कारबाही भएन?
यस्तो संगीन विषयलाई बेवास्ता गर्न मिल्छ?” पोखराको बाटुलेचौरस्थित १३५ रोपनी जग्गा हडप्न ३२ लाख रुपैयाँ घुस लेनदेन भएको दाबीसहितको अडियोमा मन्त्री अधिकारी, उनका छोरा मनोज अधिकारी, तत्कालीन सचिव अर्जुन पोखरेल र विचौलिया सुजन लामाको संलग्नता रहेको आरोप छ।
पाण्डेले अख्तियार दुरुपयोग अनुसन्धान आयोगले यो प्रकरणमा छानबिन गरिरहेको उल्लेख गर्दै मन्त्रीको मौनताले शंका गहिरिएको बताए। “अख्तियारले अनुसन्धान गरिरहेको छ, तर मन्त्रीज्यूले संसद् र जनतासमक्ष जवाफ दिनुपर्छ। विचौलियादेखि मन्त्रीसम्म जोडिएको आरोपमा पनि कुनै कारबाही नहुनुले जवाफदेहीताको अभाव देखिन्छ,” उनले थपे।
उनले मन्त्रीको ‘चरित्र हत्या’ को दाबीलाई गैरजिम्मेवार भन्दै तत्काल छानबिन र कारबाहीको माग गरे। “यो बयानबाजीले उम्कने विषय होइन। अख्तियारले सत्यतथ्य बाहिर ल्याएर दोषीमाथि कडा कारबाही गर्नुपर्छ,” पाण्डेले जोड दिए।
पाण्डेले भूमिसम्बन्धी ऐन संशोधन विधेयक, २०८२ लाई एकीकृत र पारदर्शी बनाउनुपर्नेमा जोड दिए। उनले यो विधेयक मन्त्रिपरिषद्लाई अनावश्यक अधिकार दिने गरी आएको आरोप लगाए। “यो ऐन धेरै पुरानो छ र पटक–पटक संशोधनले जटिल बनेको छ। टालटुल गर्नुभन्दा एकीकृत र पारदर्शी ऐन ल्याउनुपर्छ,” उनले भने। प्रस्तावित सूचित आदेश र निर्देशिका जारी गर्ने व्यवस्थाले भ्रष्टाचार र अनियमिततालाई प्रश्रय दिने जोखिम रहेको भन्दै उनले त्यस्ता प्रावधान हटाउन माग गरे।
उनले जग्गासम्बन्धी नीतिमा देखिएको दुरुपयोगप्रति पनि आपत्ति जनाए। “जग्गा लिँदा एउटा उद्देश्य देखाइन्छ, तर पछि निजी स्वार्थमा प्रयोग हुन्छ। यस्ता प्रवृत्ति रोक्न विधेयकले स्पष्ट सम्बोधन गर्नुपर्छ,” उनले थपे।
लिचिबारी अडियो प्रकरणले नेपालको भूमि प्रशासनमा गहिरो भ्रष्टाचार र सेटिङको जालो रहेको संकेत गरेको पाण्डेले बताए। उनले सरकार र सम्बन्धित निकायलाई यस्ता गम्भीर आरोपलाई गम्भीरतापूर्वक लिन र अख्तियारको छानबिनलाई तीव्र र निष्पक्ष बनाउन आग्रह गरे।
“मन्त्रीमाथि यति ठूलो आरोप लाग्दा पनि राजीनामा नदिनु र सरकारले कारबाही नगर्नुले जनताप्रति जवाफदेहीताको अभाव देखिन्छ,” उनले भने। यो प्रकरण र विधेयकमाथिको छलफलले भूमि प्रशासनमा सुधारको आवश्यकता उजागर गरेको छ। पाण्डेले सरकारले संसद् र जनताप्रति जवाफदेही भएर पारदर्शी नीति ल्याउनुपर्नेमा जोड दिए।
१कास्की प्रमुख हुँदादेखि नै छरपष्ट र विवादित थिए आईजिपी दानबहादुर कार्कीको धन्दा
२विचौंलिया इनमको जालोमा प्रधानन्यायाधीशदेखि आईजिपिसम्म !
३प्रधानमन्त्रीज्यू, पोखराको लेकसाइडमा प्रहरी-विचौंलिया सेटिङको जरा उखेल्नुहोस् !
४बिचौलिया सापकोटालाई पटक-पटक भेटेको न्यायाधीश फुयालको स्वीकारोक्ति
५बदनाम प्रहरी प्रमुख दानबहादुर कार्की बर्खास्त