पोखरा, २० कार्तिक । सेतीको खोंचमा खसेका सुदिप विकलाई सुरक्षाकर्मीले टिमले बचाएको छ । शनिबार पोखरा–१५, नयाँगाउँस्थित सेती नदीको किनारमा धाँजा फाँटेको ठाउँमा १९ वर्षीय विक खसेका थिए ।

पर्वत फलेवास नगरपालिका वडा नं. ३ घर भई पोखरा–१५, नयाँगाउँस्थित दाइको डेरामा बस्दै आएका विक अचानक सेतीको खोंचमा खस्न पुगेका थिए । सूचना प्राप्त हुनासाथ वडा प्रहरी कार्यालय रामबजारबाट ७ जना, गण्डकी प्रदेश प्रहरी गण पोखराबाट ६ जना, सशस्त्र प्रहरी बल नेपाल नं. २४ गण कालिकाबाट ११ जनाको उद्धार टोली खटिएको थियो ।

टोलीले खोजी गर्दा दुई घण्टा पछाडि विकलाई खोंचमा अड्किएको अवस्थामा फेला पारेको थियो । तत्कालै खोंचबाट उद्धार लागि विकलाई पश्चिमाञ्चल क्षेत्रीय अस्पताल पोखरामा पठाइएको थियो । उनको शरिरमा सामान्य दधारिएको चोट रहेको जिल्ला प्रहरी कार्यालय कास्कीले जानकारी दिएको छ ।