पोखरा, २३ फागुन । जिल्ला प्रहरी कार्यालय कास्कीले लागूऔषधसहित दिपक परियारलाई हिजो पक्राउ गरेको छ । कास्की प्रहरीले परियारलाई पोखरा महानगरपालिका वडा नं. १३ स्थित काहुँखोलाबाट परियारलाई पक्राउ गरेको हो ।

पोखरा–२६, बुढीबजार बस्ने वर्ष २८ का परियारको साथबाट प्रहरीले लागूऔषध डाईजापाम–९४ एम्पुल, फेनेरागन ९४ एम्पुल र नुर्फिन ९४ एम्पुल गरी दुईसय ९२ एम्पुल लागूऔषध, मोवाईल र नगद चारहजार रुपैयाँ बरामद गरेको छ । प्रहरीका अनुसार परियारलाई लागूऔषध सम्बन्धि मुद्दामा ५ दिनको म्याद थप गरी अनुसन्धान प्रकृया अगाडि बढाईएको छ ।