पोखरा । “एक व्यक्ति एक पद, एक कार्यकाल” भन्ने प्रतिबद्धता सहित नेपाली कांग्रेसका युवा नेता गंगाधर पराजुलीले १४ औँ महाधिवेशनमा पोखरा महानगरको सभापतिमा उम्मेदवारी घोषणा गरेका छन् ।

पोखरा महानगरको सभापतिमा उम्मेदवारी घोषणा गरेका नेता गंगाधर पराजुली करिब चार दशकदेखि नेपाली कांग्रेसको राजनीतिमा निरन्तर सक्रिय छन् । पराजुलीलाई पत्रकारिता जगतमा प्रभावशाली व्यक्तित्वका रुपमा लिइन्छ ।पत्रकारिता जगतमा करिब चार दशक काम गरेका पराजुली नेपाल प्रेस युनियन र नेपाल पत्रकार महासंघको केन्द्रीय उपाध्यक्ष भएर पनि काम गरेका थिए । साथै न्यूनतम पारिश्रमिक निर्धारण समिति नेपालको अध्यक्षसमेत भएर कार्यकाल पूरा गरेका पराजुली राष्ट्रिय समाचार समितिको सञ्चालक सदस्यसमेत बनेका थिए ।

“एक ब्यक्ति एक पद, एक कार्यकाल”भन्ने प्रतिबद्धता सहित नगर सभापतिमा उम्मेद्बारी घोषणा गरेका पराजुली कास्की काङ्ग्रेसका लोकप्रिय तथा सक्रिय नेता हुन ।पोखरा महानगर का ३३ वटा वडामा राम्रो पहिचान बनाएका कारण पराजुलीले चुनाव सहजै जित्ने काङ्ग्रेस कार्यकर्ताले बताएका छ्न ।

कास्कीका उच्च तहका नेताहरु, सबै संघ–संगठनका नेताहरुसंग सम्बन्ध प्रगाढ रहेका पराजुली पार्टी भित्रमात्रै होइन पार्टी बाहिर अन्य पार्टीका नेताहरुलाई पनि रिझाउन सक्ने खुबी राख्छन् ।

भातृ तथा शुभेच्छुक सस्था देखि नेपाली काङ्ग्रेस राजनीतिमा राम्रो छवि बनाएका पराजुलीले महानगरको चुनाव जित्न सहज हुने कार्यकर्ताको विश्लेषण रहेको छ ।