News Portal

ताजा शिर्षकहरु

चर्चित शिर्षकहरु

कला/साहित्य धर्म-सस्कृति प्रमुख समाचार भिडियो मनोरञ्जन

दिलकुमारी खाँणको तिज गीत ‘बुबाको आँगनीमा’ सार्वजनिक

पोखरा, १२ भदौं । रचनाकार एवं गायिका दिलकुमारी खाँण (लक्ष्मी हमाल)को नयाँ समसामयिक तथा मौलिक तिज गीत ‘बुवाको आँगनीमा’ सार्वजनिक भएको छ । लय तथा शब्द संकलन लक्ष्मी आफँैले गर्नुभएको गीतमा आवाज पनि उहाँकै सुन्न पाइन्छ ।

गीतलाई बिनोद रसाइलीले एरेन्ज गर्नुभएको हो । गीतको रेकर्डिङ क्रेजी स्टुडियोमा गरिएको हो । उत्पादन र वितरण ‘म्युजिकल दिल’ युट्युबच्यानल मार्फत आज प्राज्ञ नगेन सिँह ठकुरीले गीतलाई सार्वजनिक गर्नु भएको हो ।

प्राज्ञ नगेन सिँह ठकुरीले सँस्कृति बढाउदैं लैजान पर्ने बताउदै यो बुबाको आँगनीमा तिज गीतमा नेपाली महिलाहरुको पिडा, भोगाई झल्केको हुनाले गीत हेरेर सुनेर प्रत्येक नेपाली महिलाले आफ्नै कथा, व्यथा सम्झने विश्वास व्यक्त गर्नुभयो ।

अनुप अधिकारीले निर्देशन गर्नुभएको भिडियोको सह–निर्देशक सोफी धरेल हुनुहुन्छ । प्रमुख छायाकंन मिलन शंकर र छायाकंन दिपेश केसीले गर्नुभएको भिडियोलाई सम्पादन र कलरिङ नेत्र गुरुङले गर्नुभएको हो । भिडीयोमा जय गुरुङको श्रृंगार रहेको छ ।

युवा निर्देशक अनुप अधिकारीले भिडियो बनाउँदै जाँदा महिलाहरुले भोग्नु परेको पीडा महसुस भएकाले अझ धेरै मेहनत गर्ने प्रेरणा मिलेको बताउनु भयो ।
लक्ष्मीले यो गीत तीस वर्ष अगाडि आफुले देखेका, भोगेका आधारमा यो गीत सिर्जना भएको जानकारी दिदँै गीतलाई सबैले मनपराउने विश्वास व्यक्त गर्नुभयो ।

गीतको भिडियोमा ज्योति हमाल, ईन्दु सेन, नज्योशा सिँह ठकुरी, बुलु शाहा, संगिता पौडेल, प्राज्ञ नगेन सिँह ठकुरी, विष्णु राज तिमिल्सिना, उज्ज्वलराज ढकाल, प्रभात अधिकारी, रिमा शाही, आनिया तामाङ, प्रमिसा सिलवाल, झुमा कुमारी शाही, खिमबहादुर शाही, आयुष्का श्रेष्ठ, सिम्रन शाही, सुशिल सुवेदी र सुस्मिता शाही आदि कलाकारको अभिनय हेर्न पाईन्छ ।

प्रतिक्रिया

डनन्यूज ट्रेन्डिङ