News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

अखिल (क्रान्तिकारी) कास्कीद्वारा विरोध प्रदर्शन

'बढ्दो कालोबजारी, भ्रष्टाचार र अधिक मूल्यवृद्धिको विरोध'

पोखरा । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी निकट विद्यार्थी संगठन अखिल (क्रान्तिकारी) कास्कीले बढ्दो महँगी र कालोबजारीको विरुद्ध विरोध प्रदर्शन गरेको छ ।

बढ्दो कालोबजारी र भ्रष्टाचारको अन्त्य नगरी अहिलेको सरकारले अधिक मूल्यवृद्धि गरेको भन्दै पोखराको मानवअधिकार चोकदेखि प्लेकार्ड प्रदर्शन गर्दै ¥यालीको आयोजना गरिएको थियो । बढ्दो महङ्गी नियन्त्रण गर, पेट्रोलियम पदार्थ, ग्याँस लगायतमा गरिएको मूल्यवृद्धि खारेज गर, कालोबजारीलाई कारवाही गर, गुणस्तरीय खाद्यान्न आपूर्ति गर, विपन्नलाई सहुलियत कार्डको व्यवस्था गर, लिपुलेक लिम्पियाधुरा र कालापानीसहितको नक्सा लागू गर, अभिभावकमाथि प्रकाशनले थुपारेको पुस्तक भार बन्द गर, विद्यालयस्तरमा राज्यले तोकेको १०% छात्रवृत्ति लागू गर जस्ता नारा लेखिएका दर्जनौं प्लेकार्डसहित ¥याली महेन्द्रपुलमा पुगेर कोणसभामा परिणत भएको थियो ।

कोणसभामा अखिल (क्रान्तिकारी)का केन्द्रीय सदस्य अटल, नेकपा कास्की जिल्ला सदस्य काजी गुरुङ र अखिल क्रान्तिकारी कास्कीका अध्यक्ष पुरन पुनले सम्बोधन गरेका थिए ।

डनन्यूज ट्रेन्डिङ