News Portal

ताजा शिर्षकहरु

चर्चित शिर्षकहरु

प्रवास समाचार

लौसीबोटका अति विपन्न ८८ घरपरिवारलाई परदेशीको राहत

पोखरा । लौसीबोट समाज युके, लौसीबोट समाज हङकङ र चेलीवेटीद्वारा पर्वतको मोदी गाउँपालिका–१ लौसीबोटका अति विपन्न ८८ घर परिवारलाई राहत स्वरुप आज खाद्यान्न वितरण गरिएको छ । विश्वभर फैलिएको कोरोना भाईरसका कारण लौसीबोट गाउँमा दैनिक ज्यालामजदुरी गर्ने अतिविपन्न परिवारलाई पोखराको युनाईटेड क्लबको संयोजनमा सहयोग बितरण गरिएको थियो ।

लौसीबोट समाज युकेका संयोजक मेजर खुसिमान गुरुङ र लौसीबोट समाज हङकङका संयोजक लोकमान गुरुङ र चेलिबेटीबाट संकलित राहत प्राप्त गरेपछि गाउँलेहरु निकै खुशी भएका थिए । राहत वितरण कार्यक्रममा पर्वत मोदी गाउँपालिका वडा नं. १ का कार्यबाहक अध्यक्ष भुलबहादुर पौडेलले मानवीय धर्म सबैभन्दा ठुलो पूण्य भएको भन्दै खुशी व्यक्त गरे ।

त्यसैगरी युनाईटेड क्लवका निवर्तमान अध्यक्ष लालकाजी गुरुङले विदेशीभूमिमा रहेर पनि आफ्नो जन्मभूमिलाई माया गर्ने सबैप्रति धन्यवाद व्यक्त गर्दै आफ्ना गाउँवासीलाई क्लब र आफ्नोतर्फबाट पनि सहयोग गर्ने वचनवद्धता व्यक्त गरे ।
दैनिक ज्याला मजदुरी गर्दै आइरहेका लौसीबोटका लालबहादुर विकले सरकार सर्वहाराजनता र गरिबप्रति अनुदार भईरहेको बेलामा परदेशिएका आफ्नै गाउँलेहरुले सहयोग आँगनमा नै पाउँदा असाध्यै आभारी भएको बताए ।
सो अवसरमा लौसीबोट तमु समाजका अध्यक्ष कुलविर गुरुङ, समाजसेवी गिरमान गुरुङ, लौसीबोट होम स्टेका अध्यक्ष विष्णु गुरुङ, लौसीबोटका युवा तथा गाउँवासीले लौसीबोट समाज युके, लौसीबोट समाज हङकङ र चेलीवेटीद्वारा राहत वितरण गरेकोमा धन्यवाद सहित आभार प्रकट गरेका थिए ।

प्रतिक्रिया