News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार राजनीति

मनाङको तालगाउँ डुबानमा, खाद्यान्न र अत्यावश्यक सामाग्रीको अभाव

'मनाङमा यतिबेला विजुली समेत छैन भने टेलिफोन सेवा ठाउँ-ठाउँमा अवरुद्ध'

मनाङ जिल्लाको नासो गाउँपालिका वडा नं. १ मा पर्ने तालगाउँ । जहाँ मस्र्याङदी नदीमा आएको बाढीका कारण डुबानमा परेको छ । डुबान अघिको फाईल तस्विर ।

पोखरा । अबिरल परेको बर्षाका कारण गण्डकी प्रदेशका विभिन्न जिल्लाहरुमा क्षति पुगेको छ । मनाङ जिल्लाको नासो गाउँपालिका वडा नं. १ मा पर्ने तालगाउँमा मस्र्याङदी नदीमा आएको बाढीका कारण डुबानमा परेको छ । त्यहाँ रहेका ६० घर डुबानमा परेको जिल्ला प्रशासन कार्यालय मनाङले जानकारी दिएको छ ।

मनाङका प्रमुख जिल्ला अधिकारी विष्णु लामिछानेका अनुसार तीनसयजना स्थानीयवासीलाई कारागारको नयाँ निर्मित भवनमा सुरक्षित राखिएको छ । प्रमुख जिल्ला अधिकारी लामिछानेका अनुसार तालगाउँ पुरै डुबानमा परेको छ । मानवीय क्षति नभएको र ती गाउँलेहरुलाई सुरक्षित ठाउँमा सारिएको भएपनि अत्यावश्यक र आधारभूत कुराहरु पु¥याउन नसकिएको प्रमुख जिल्ला अधिकारी लामिछानेले बताए ।

पाल र अन्य खाद्यान्न सहयोगका लागि लमजुङस्थित रेडक्रस सोसाईटीलाई गुहार मागिए पनि ठाउँ–ठाउँमा बाटो बाढीले बगाउँदा र पुर्दा टोली अझै पुग्न सकेको छैन । यता काठमाडौंबाट उद्धार र राहत सामाग्री बोकेर जाने तयारीमा रहेको हेलिकोप्टर अबिरल बर्षाका कारण उड्न नसकेको प्रमुख जिल्ला अधिकारी लामिछानेले बताए । मनाङमा यतिबेला विजुली समेत छैन भने टेलिफोन सेवा ठाउँ ठाउँमा अवरुद्ध भएको छ । मनाङमा बाढिका कारण भएको क्षतिको यकिन विवरण अझै आउन सकेको छैन ।

कास्कीको लुम्ले र म्याग्दीको घोरेपानी क्षेत्रलाई जल तथा मौसम विज्ञान विभागको बाढी पूर्वानुमान महाशाखाले यी क्षेत्रहरुमा खतराको संकेत देखिएको भन्दै साईरन बजाएको थियो । कास्कीको लुम्ले, चितवनको चरछरे, म्याग्दीको घोरेपानी र नवलपरासीको अरुण खोला स्टेशनमा भारी वर्षा मापन भएकाले खतराको संकेत स्वरुप साइरन बजाइएको जल तथा मौसम विज्ञान विभागको बाढी पूर्वानुमान महाशाखाले जनाएको छ ।

खतराको साईरन बजे लगत्तै गण्डकी प्रदेशका सुरक्षा निकायहरु ‘हाई अलर्ट’मा रहेका छन् । गण्डकी प्रदेश प्रहरी प्रमुख डिआईजी घनश्याम अर्यालका अनुसार सुरक्षा निकायहरुलाई जोखिम क्षेत्रहरु वरपर ‘हाई अलर्ट’मा राखिएको छ । त्यसैगरी, गण्डकी प्रदेशका मुख्यमन्त्री कृष्णचन्द्र नेपाली पोखरेलले लगातारको वर्षाका कारण मनाङमा भएको क्षतिप्रति दुःख प्रकट गर्दै तत्काल उद्धार र राहतका लागि स्थानीय प्रशासनलाई निर्देशन दिएका छन् ।

जिल्ला प्रहरी कार्याल कास्कीका प्रवक्ता एवं डिएसपी सुवास खड्काका अनुसार मनाङको सदरकुमाम चामेस्थित तातोपानी कुण्ड नजिकैको वस्तीमा समेत बाढी पसेको छ । बाढीले चामे गाउँपालिका वडा नं. १ तिमाङ खोलाको बेलिब्रिज र तिमाङखोला मैं रहेको ३२ किलोवाटको स्याल्कयुखोला लघुजलविद्युत गृहमा पनि क्षति क्षति पु¥याएको छ ।

कास्की जिल्लाको मादी गाउँपालिकामा निर्माणाधिन सुपरमादी हाइड्रोपावरमा समेत बाढीले क्षति पु¥याएको छ । हाइड्रोपावर सञ्चालक धनराज आचार्यका अनुसार एक्साभेटर, लोडर, ठुलो जेनेटर, ४ ट्रक भन्दा बढि रडहरु लगायतका १५ करोड रुपैयाँ बराबरका सामाग्रीहरु बाढीले बगाएको छ ।