News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

थापाका विषयमा अदालतले दिएको आदेश विरुद्ध सुनुवाई हुँदै

'पुनः जनमोर्चाले सर्वोच्चको आदेश विरुद्ध नै निवेदन दिएपछि आज सुनुवाई हुन लागेको हो'

पोखरा । राष्ट्रिय जनमोर्चाका पूर्वसांसद कृष्ण थापाका  अदालतले दिएको आदेश विरुद्ध परेको निवेदनमाथि आज सर्वोच्च अदालतमा सुनुवाई हुन लागेको छ । सर्वोच्च अदालतका न्यायाधीशद्वय विश्वम्भरप्रसाद श्रेष्ठ र कुमार रेग्मीको संयुक्त इजलासमा सुनुवाई तोकिएको हो ।

पार्टीको ह्वीप उल्लंघन गरेका सांसद कृष्ण थापालाई राष्ट्रिय जनमोर्चाले साधारण सदस्य समेत नरहने गरी सांसद पदबाट निष्कासन गरेको थियो । सोही विषयमा थापा सर्वोच्चमा पुगेका थिए । सर्वोच्चले थापालाई गरेको कारवाही रोकिदिएको थियो । त्यसपछि पुनः जनमोर्चाले सर्वोच्चको आदेश विरुद्ध नै निवेदन दिएपछि आज सुनुवाई हुन लागेको हो ।

गत वैशाखमा तत्कालीन मुख्यमन्त्री पृथ्वीसुब्बा गुरुङविरुद्ध विपक्षी गठबन्धनलाई सहयोग गर्न राष्ट्रिय जनमोर्चाले ह्वीप नै जारी गरेको थियो । तर पार्टीको निर्देशन विपरित थापाले गुरुङलाई समर्थन गर्दै आईरहेका थिए । नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा)को गठबन्धनलाई जनमोर्चाले समर्थन गरे पनि सांसद थापाले अटेर गर्दै आएपछि विवाद बढेको थियो । पछि प्रदेश सभाले समेत सांसद थापालाई पदमुक्त गरेको घोषणा गरेको थियो ।

प्रतिक्रिया