पोखरा । ‘सङ्गै काम गरौं’ भन्ने मूल नाराका साथ पोखरामा ‘युनिटी युवा क्लब’ स्थापना गरिएको छ । गण्डकी प्रदेशको राजधानी पोखरामा स्थापित यस क्लबले खेलकुद, शिक्षा, स्वास्थ्य र बालबालिकाको उन्नतिका क्षेत्रमा विशेष काम गर्ने क्लबले जनाएको छ ।

सुनिल खड्काको अध्यक्षतामा ११ सदस्यीय कार्यसमितिको निर्विरोध चयन गरिएको छ । जसको प्रथम उपाध्यक्षमा ईश्वर पहारी, द्वितीय उपाध्यक्षमा आशिष बराल रहेका छन् । त्यसैगरी सचिवमा किरण भण्डारी र सन्दिप भुसाल, सहसचिवमा प्रितम गुरुङ र कोषाध्यक्षमा दिपा राई रहेका छन् । त्यसैगरी क्लबका सदस्यहरुमा विशाल गुरुङ, सुवास सापकोटा, पूर्ण नेपाली र सबिना परियार रहेका छन् । क्लबको संरक्षकमा वडा नं. ८ का वडाध्यक्ष रुद्रनाथ बराल रहेका छन् ।

समाजमा भएका विकृति, विसंगति, भ्रष्टाचार, अनियमितता र अन्यायका विरुद्धमा सशक्त खबरदारी गर्ने र युवाहरुलाई सकारात्मक सोंचका साथ समाज सेवामा समर्पित गराउने उद्देश्यले क्लबको स्थापना भएको हो । स्वस्फूर्त रुपमा संगठित युवाहरुले देश र माटोको पक्षमा एक ढिक्का भएर अघि बढ्ने प्रणका साथ संस्था स्थापना गरेका हुन् ।

पोखरा महानगरपालिका वडा नं. ८ मा स्थापना भएको यस क्लबले विश्वव्यापी रुपमा कोरोना महामारीका कारण लकडाउन भईरहँदा आमसर्वसाधारण जनतालाई परेका पिरमर्का र स्वास्थ्य उपचारमा देखिएको ढिलासुस्तीका विषयमा पनि खबरदारी गर्ने जनाएको क्लबका प्रथम उपाध्यक्ष ईश्वर पहारीले डन न्यूजलाई जानकारी दिए ।