पोखरा । गण्डकी प्रदेशमा पोखरामा २२ जना नयाँ कोरोना संक्रमितहरु थपिएका छन् । आज विहान १० बजेसम्मको अध्यावधिक विवरण अनुसार कोरोना संक्रमितको संख्या ६१९५ पुगेको छ । चितवन मेडिकल कलेज र भरतपुर अस्पताल, चितवन गरिएको परिक्षणमा गण्डकी प्रदेशमा थप भएका नयाँ २२ जना संक्रमितहरु थपिएका हुन् ।

संक्रमितहरुको सम्बन्धित अस्पतालको फिभर क्लिनिकबाट कोरोना संक्रणको पहिचान भएको हो । सबै संक्रमितहरुलाई आईसोलेसनमा व्यवस्थापन गर्ने तयारी भईरहेको स्वास्थ्य निर्देशनालय गण्डकी प्रदेशका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा.विनोदविन्दु शर्माले जानकारी दिएका छन् ।

चितवन मेडिकल कलेज चितवनमा परीक्षण गर्ने क्रममा नवलपरासी १५ जना, गोरखाका २ जना, तनहुँका ३ जना कोरोना संक्रमित भेटिएका हुन् । त्यसैगरी भरतपुर अस्पतालमा भएको परीक्षणका क्रममा गोरखाका १ जना र नवलपरासीका १ जना कोरोना संक्रमित गरी थप नयाँ २२ जनामा पुष्टि भएको हो ।